චගුවන් හමුදා චීන වරාය විද්‍යාපීඨය 2025 අප්‍රේල් මස 03 වන දින සිය 64 වන සංවත්සරය සමරනු ලැබීය. විද්‍යාපීඨ පෙළපාළි චතුරශ්‍රයේ පැවති චාරිත්‍රානුකූල වැඩ පෙළපාළියකින් එදින වැඩසටහන ආරම්භ වූ අතර, එහිදී අණදෙන නිලධාරිතුමන් විසින් විද්‍යාපීඨයේ සියලුම නිලධාරීන්, අනෙකුත් නිලයන් සහ සිවිල් කාර්ය මණ්ඩලය ඇමතීය.

ඉන්පසු, ත්‍රිකුණාමලයේ පුඩවයික්කට්ටු මුස්ලිම් විද්‍යාලයේ සහ ශ්‍රී බෝධිරාජාරාම විහාරස්ථානයේ පාරිසරික ප්‍රමිතීන් නංවාලීම සඳහා ප්‍රජා සේවා ව්‍යාපෘති වැඩසටහනක් පවත්වන ලදී. මෙම මුලපිරීම සඳහා විද්‍යාපීඨයේ සාමාජිකයින් 100 දෙනෙකුගේ සහභාගීත්වයක් දක්නට ලැබුණි.

විද්‍යාපීඨ කාර්ය මණ්ඩල සාමාජිකයින් අතර ක්‍රීඩා කුසලතා ප්‍රවර්ධනය කිරීම සහ ශාරීරික යහපැවැත්ම වැඩිදියුණු කිරීම අරමුණු කර ගනිමින් සවස් වරුවේ, විද්‍යාපීඨ ක්‍රීඩා පිටියේදී රාත්‍රී ක්‍රිකට් තරඟාවලියක් පවත්වන ලදී.