ගුවන් හමුදා කටුකුරුන්ද කඳවුරේ ගුවන් හමුදා පර්යේෂණ හා සංවර්ධන පක්ෂාංගය සිය 4 වන සංවත්සරය 2025 අප්‍රේල් 30 වන දින අභිමානවත්ව සමරන ලදී. ශ්‍රී ලංකා ගුවන් හමුදාවේ ගුවන් පර්යේෂණ සඳහා පුරෝගාමී ආයතනය ලෙස ගුවන් හා ගුවන් විද්‍යාව ආශ්‍රිත පර්යේෂණ හා සංවර්ධන මුලපිරීම් මාලාවක් හරහා ශ්‍රී ලංකා ගුවන් හමුදාවට නිරන්තරයෙන් දායක වී ඇත.විවිධ විෂය ක්ෂේත්‍රයන්හි වෘත්තිකයන් අතර සහයෝගීතාවය සහ දැනුම බෙදා ගැනීම ප්‍රවර්ධනය කරන මධ්‍යස්ථානයක් ලෙස ක්‍රියා කරන මෙම පක්ෂාංගය, වඩාත් තීරණාත්මක අභියෝග කිහිපයකට මුහුණ දීම සඳහා නව්‍ය විසඳුම් ලබා දීම දිගටම කරගෙන යයි.පක්ෂාංගයේ නිලධාරීන් ගුවන් භටයින් සහ සිවිල් නිලධාරීන්ගේ සහභාගීත්වයෙන් වත්මන් අණදෙන නිලධාරී ගෲප් කපිතාන් මංජුල අබේවික්‍රම නිළධාරීතුමන් සමාලෝචනය කරන ලද චාරිත්‍රානුකූල වැඩ පෙළපාලියකින් දින සැමරුම ආරම්භ කරන ලදී.සන්වත්සර දින සැමරුමට සමගාමීව පයාගල ජයන්ති ළමා අනාථ නිවාසය ප්‍රතිසංස්කරණය කිරීම සම්බන්ධ ප්‍රජා සේවා ව්‍යාපෘතියක් පක්ෂාංගය විසින් සිදු කරන ලදී. ඊට අමතරව, පක්ෂාංගයේ සියළුම සාමාජිකයින්ගේ සහභාගීත්වයෙන් එල්ලේ තරඟාවලියක් පවත්වන ලදී.
