නාවික ආරක්ෂාව පිළිබඳ ජාත්‍යන්තර සමුළුවට ශ්‍රී ලංකා ගුවන් හමුදාපති එයාර් මාර්ෂල් බන්දු එදිරිසිංහ සහභාගී විය.
ශ්‍රී ලංකා ගුවන් හමුදාපති එයාර් මාර්ෂල් බන්දු එදිරිසිංහ මහතා ගෞරවනීය ආරාධිත අමුත්තා ලෙස සමාරම්භක සැසියට සහභාගී විය. ආරක්ෂක අමාත්‍යාංශයේ ලේකම් නියෝජනය කරමින් ජාතික බුද්ධි ප්‍රධානී මේජර් ජෙනරාල් රුවන් වනිගසූරිය (විශ්‍රාමික) මහතා සමුළුවට සහභාගී විය. නාවික හමුදාධිපති වයිස් අද්මිරාල් කාංචන බානගොඩ සහ යුද හමුදා මාණ්ඩලික ප්‍රධානී මේජර් ජෙනරාල් චන්දන වික්‍රමසිංහ යන මහත්වරුන් ගෞරවනීය ආරාධිතයින් ලෙස සහභාගී වන ලදී.
සමාරම්භක උත්සවයේ ප්‍රධාන දේශනය නාවික හමුදාධිපති විසින් පවත්වන ලදී. ඉන්දියාව, පකිස්ථානය, නේපාලය, සිංගප්පූරුව, බංග්ලාදේශය, ජර්මනිය සහ ශ්‍රී ලංකාව යන රටවලින් සහභාගී වූවන් ඇතුළුව කලාපය පුරා සහ ඉන් ඔබ්බට පැමිණි විද්වතුන්, ප්‍රතිපත්ති සම්පාදකයින් සහ ආරක්ෂක වෘත්තිකයන් රැසක් මෙම සමුළුවට එක්විය. රාජ්‍ය තාන්ත්‍රික බලකායේ සාමාජිකයින්, දේශීය හා ජාත්‍යන්තර විශ්ව විද්‍යාලවල ශාස්ත්‍රාලිකයින්, ත්‍රිවිධ හමුදාවන්හි ජ්‍යෙෂ්ඨ නියෝජිතයින්, අදාළ අමාත්‍යාංශ නිලධාරීන් සහ විවිධ ජාතික හා ජාත්‍යන්තර චින්තන මණ්ඩලවල නියෝජිතයින් මෙම අවස්ථාව සහභාගී විය.
>
