ශ්‍රී ලංකා ගුවන් හමුදා රත්මලාන කඳවුරේ අංක 1 තොරතුරු තාක්ෂණ අංශයේ නව අණදෙන නිලධාරිවරයකු 2025 ජුනි 06 වන දින පත්කිරීම සිදු විය. සාම්ප්‍රදායික භාරදීමේ / භාර ගැනීමේ පෙළපාළිය මූලික පෙළපාළි භූමියේදී පවත්වන ලදී. එහිදී නික්ම යන අණදෙන නිලධාරී ගෲප් කැප්ටන් ඒ.පී.අයි සම්පත් කුමාර නිලධාරිතුමන් විසින් වින්ග් කමාන්ඩර් වී.පී.ඒස් ගුණසේකර  නිලධාරිතුමන් වෙත අණදෙන නිලධාරියා භාර දෙන ලදී.

ගෲප් කැප්ටන් ඒ.පී.අයි සම්පත් කුමාර නිලධාරිතුමන් 2021 අගෝස්තු 18 වන දින අංක 1 තොරතුරු තාක්ෂණ අංශයේ අණදෙන නිලධාරියා ලෙස භාර ගන්නා ලදී. ඔහු දැන් ගුවන් හමුදා මූලස්ථානයේ මාණ්ඩලික නිලධාරී තොරතුරු තාක්ෂණ I ලෙස පත්වීම භාර ගනු ඇත. ඔහුගේ ධුර කාලය තුළ මෘදුකාංග සංවර්ධන කණ්ඩායම්වල කාර්යක්ෂමතාව වැඩි දියුණු කිරීම සඳහා අති නවීන තාක්ෂණයන් සහ උපායමාර්ගික ක්‍රමවේද හඳුන්වා දී ඇත. බොහෝ මෘදුකාංග පද්ධති සංවර්ධනය කිරීම සහ යෙදවීම සඳහා ඔහුගේ නායකත්වය යටතේ සිදුකර ඇත.

නව අණදෙන නිලධාරී වින්ග් කමාන්ඩර් වීපීඑස් ගුණසේකර නිලධාරිතුමන් මීට පෙර අංක 1 තොරතුරු තාක්ෂණ පක්ෂාංගයේ 6 වන අණදෙන නිලධාරී ලෙස පත්වීමට පෙර ගුවන් හමුදා මූලස්ථානයේ මාණ්ඩලික නිලධාරී තොරතුරු තාක්ෂණ II තනතුරේ රාජකාරි සිදුකර ඇත.