අංක 05 රසායනික ජීව විද්‍යාත්මක විකිරණ න්‍යෂ්ටික පුපුරණ ද්‍රව්‍ය පාඨමාලාවේ සහතික ප්‍රදානෝත්සවය 2025 ජුනි 11 වන දින කටුනායක ගුවන් හමුදා කඳවුරේ අංක 49 CBRNE පක්ෂාංගයේදී කටුනායක ගුවන් හමුදා කඳවුරු අණදෙන නිලධාරී එයාර් කොමඩෝර් ඒවී ජයසේකර නිළධාරීතුමන්ගේ ප්‍රධානත්වයෙන් පැවැත්විණි.

මෙම පාඨමාලාවේ මූලික අරමුණ වන්නේ විභව රසායනික, ජීව විද්‍යාත්මක, විකිරණශීලී, න්‍යෂ්ටික සහ පුපුරණ ද්‍රව්‍ය හදිසි අවස්ථා සඳහා සුදුසුකම් ලත් පළමු ප්‍රතිචාර දක්වන්නන් ලෙස සේවය කිරීමට අවශ්‍ය දැනුම හා කුසලතාවය ලබා දීමයි.

අංක 05 CBRNE උසස් පාඨමාලාව ශ්‍රී ලංකා නාවික හමුදාවේ නිලධාරියෙකු, ශ්‍රී ලංකා ගුවන් හමුදා නිලධාරියෙකු, සෙසු නාවිකයින් දෙදෙනෙකු, ගුවන් භටයින් විසි හතර දෙනෙකු සහ ගුවන් කාන්තාවන් තිදෙනෙකුගෙන් සමන්විත විය. උත්සවයේදී, පාඨමාලා සාර්ථකව නිම කිරීම සනිටුහන් කිරීම සඳහා සම්මානලාභීන් 31 දෙනෙකුට සහතිකපත් ප්‍රදානය කරන ලදී.

අංක 05 CBRNE උසස් පාඨමාලාවේ දක්ෂතම කාර්ය සාධනය සඳහා නිලධාරීන් අතර හොඳම CBRNE පළමු ප්‍රතිචාර දැක්වීමේ නිලධාරියා ලෙස ෆ්ලයිට් ලෙෆ්ටිනන්ට් එච්එම්එන්එල් හිඳගොඩ ඇගයීමට ලක් වූ අතර, නායක ගුවන් කාන්තා සවින්‍යා එච්එම්ජීඑන් හොඳම CBRNE පළමු ප්‍රතිචාර දැක්වීමේ දක්ෂතම ගුවන් කාන්තාව ලෙස සම්මානයට හිමිකරගන්නා ලදී