2025 වසරේ ගුවන් හමුදා රණවිරු අනුස්මරණ උත්සවයට සමගාමීව, වාර්ෂික සර්ව රාත්‍රික සෙත් පිරිත් සජ්ඣායන උත්සවය 2025 ජුනි 19 වන දින ඒකල ගුවන් හමුදා වෘත්තීය පුහුණු පාසලේදී පැවැත්විණි.

මෙම උතුම් උත්සවය සුභසාධන අධ්‍යක්ෂ ජෙනරාල් එයාර් වයිස් මාර්ෂල් රජින්ත් ජයවර්ධන මහතාගේ අධීක්ෂණය යටතේ සංවිධානය කරන ලද අතර ඒකල ගුවන් හමුදා වෘත්තීය පුහුණු පාසලේ අණදෙන නිලධාරී එයාර් කොමඩෝර් කෝලිත අබේසිංහ මහතාගේ සම්බන්ධීකරණයෙන් මියගිය රණවිරුවන්ට මෙන්ම ආබාධිත රණවිරුවන්ට, ඔවුන්ගේ ජීවතුන් අතර සිටින පවුල්වල සාමාජිකයින්ට, ගුවන් හමුදා සේවයේ නියුතු කාර්ය මණ්ඩලයට සහ සමස්ත ජාතියටම මෙම අභියෝගාත්මක කාලවලදී ඉදිරියට යාමට ශක්තිය හා ධෛර්යය ලබා දීම සඳහා ආශිර්වාද කරන ලදී.

උත්සවය ආරම්භ කිරීමට පෙර, ‘කරඩුව’ වර්ණවත් පෙරහැරකින් වෘත්තීය පුහුණු පාසලේ ගුවන් භට භෝජනාගාරයට ගෙන එන ලද අතර ගුවන් හමුදාපති එයාර් මාර්ෂල් බන්දු එදිරිසිංහ මහතා විසින් ‘පිරිත් මණ්ඩපයේ’ තැන්පත් කරන ලදී.

පිරිත් සජ්ඣායනා කිරීමේ උත්සවයට මාණ්ඩලික ප්‍රධානී, නියෝජ්‍ය මාණ්ඩලික ප්‍රධානී, ගුවන් හමුදා කළමනාකරණ මණ්ඩලයේ සාමාජිකයින් සහ ඔවුන්ගේ ආදරණීය කලත්‍රයන්, ගුවන් හමුදා ඒකල වෘත්තීය පුහුණු පාසලේ අණදෙන නිලධාරී, කඳවුරු අණදෙන නිලධාරීන්, අණදෙන නිලධාරීන්, අනෙකුත් සියලුම නිලධාරීන්, වෘත්තීය පුහුණු පාසලේ අනෙකුත් නිලයන් සහ විශේෂයෙන් මියගිය රණවිරුවන්ගේ ආදරණීය පවුලේ සාමාජිකයින් සහභාගී විය. අනතුරුව 2025 ජුනි 20 වන දින උදෑසන ගෞරවනීය මහා සංඝරත්නය වෙත දානමය පිංකමක් සිදු කරන ලදී.