ශ්‍රී ලංකා ගුවන් හමුදා මොරවැව කඳවුරේ 52 වන සංවත්සරය සැමරීම සඳහා 2025 ජූලි 29 වනදින සර්ව රාත්‍රී පිරිත් සජ්ජායනයක් පැවැත්විය. ජාතිය වෙනුවෙන් උත්තරීතර කැපකිරීමක් කළ ගුවන් හමුදා නිලධාරීන් සිහිපත් කිරීම සඳහා මෙම ගෞරවනීය අධ්‍යාත්මික සැමරුම පවත්වන ලදී. ඔවුන්ගේ ආත්මයන්ට නිවන් සුව ප්‍රාර්ථනා කිරීමත්  ශ්‍රී ලංකා ගුවන් හමුදාවේ දැනට සේවය කරන සියලුම සාමාජිකයින්ගේ යහපැවැත්ම වෙනුවෙන් ආශිර්වාද  පිරිනමන ලදී.

2025 ජූලි 30 වනදින උදෑසන කඳවුරේදී ගෞරවනීය මහා සංඝරත්නය උදෙසා දානමය පුණ්‍යකර්මයක් පවත්වන ලදී. කඳවුරු අණදෙන නිලධාරී ගෲප් කැප්ටන් ප්‍රභාත් ඇලෙක්සැන්ඩර් නිලධාරිතුමන් ඇතුලු ගුවන් හමුදා මොරවැව කඳවුරේ සියලුම නිලධාරීන්, අනෙකුත් නිලයන් සහ සිවිල් කාර්ය මණ්ඩල සාමාජිකයින්ගේ සහභාගීත්වයෙන් මෙම පින්කම සිදුකරන ලදී.