ගුවන් භට තරංග 2025 වසරේ ඉන්දියාවේ භුබනේස්වර් හි පැවති ලෝක මලල ක්‍රීඩා මහද්වීපික තරඟාවලියේ දී හෙල්ල විසිකිරීමේ ඉසව්වෙන් මීටර් 86.50 ක විශිෂ්ට දුරක් වාර්තා කරමින් රන් පදක්කම දිනා ගනිමින් නවතම ජාතික වාර්තාවක් පිහිටුවමින් ඉතිහාසගත විය.

මෙම ජයග්‍රහණය ශ්‍රී ලංකාවට කීර්තියක් ගෙනදුන් පමණක් නොව, තරංගට ලෝක මලල ක්‍රීඩා ශූරතාවලිය සඳහා සුදුසුකම් ලැබීමටද සමත් වූ අතර, එය ඔහුගේ ක්‍රීඩා ජීවිතයේ සැලකිය යුතු සන්ධිස්ථානයක් සනිටුහන් කළේය. ඔහුගේ බලවත් විසි කිරීම ඔහුව ගෝලීය වේදිකාවේ ප්‍රබල හෙල්ල විසි කරන්නන් අතරට එක්ව ඇත.

ඔහු ලබාගත් ජයග්‍රහණයත් සමග 2025 අගෝස්තු 11 වන දින යලි ශ්‍රී ලංකාවට පැමිණි අවස්ථාව සැමරීමට සහ ක්‍රීඩා ක්ෂේත්‍රයට ඔහු කළ දායකත්වයට ගෞරව කිරීමට රැස්ව සිටි ශ්‍රී ලංකා මලල ක්‍රීඩා නියෝජිතයින්, ශ්‍රී ලංකා ගුවන් හමුදාවේ නිලධාරීන් සහ ක්‍රීඩා පුද්ගලයින් කිහිප දෙනෙකු විසින් ඔහු උණුසුම් ලෙස පිළිගනු ලැබීය.