2025 අන්තර් ඒකක කඹ ඇදීමේ ශූරතාවලිය 2025 අගෝස්තු 13 සහ 14 යන දෙදින කටුනායක ගුවන් හමුදා කඳවුරේදී පැවැත්විණි. සම්මාන ප්‍රදානෝත්සවය 2025 අගෝස්තු 14 වන දින කටුනායක රෝහල් ක්‍රීඩා පිටියේදී පවත්වන ලද අතර ප්‍රධාන ආරාධිත අමුත්තා ලෙස ඉලෙක්ට්‍රොනික හා පරිගණක ඉංජිනේරු අධ්‍යක්ෂ ජෙනරාල් එයාර් වයිස් මාර්ෂල් අසිත හෙට්ටිආරච්චි නිළධාරීතුමන් සහභාගී විය.

පිරිමි ශූරතාව ගුවන් හමුදා කටුනායක කඳවුරේ 26 වන රෙජිමේන්තු පක්ෂාංගය විසින් දිනා ගන්නා ලද අතර කාන්තා ශූරතාව ගුවන් හමුදා කටුනායක කඳවුර විසින් දිනා ගන්නා ලදී. එසේ තිබියදීත්, ශ්‍රී ජයවර්ධනපුර ගුවන් හමුදා කඳවුර සහ අනුරාධපුර ගුවන් හමුදා කඳවුර පිළිවෙලින් පිරිමි සහ කාන්තා කාණ්ඩවල අනුශූරතාවය දිනා ගත්හ.

කටුනායක ගුවන් හමුදා කඳවුරු අණදෙන නිලධාරී එයාර් කොමඩෝර් අසේල ජයසේකර, කටුනායක ගුවන් හමුදා කඳවුරු නියෝජ්‍ය අණදෙන නිලධාරී එයාර් කොමඩෝර් දුෂාන් විජේසිංහ, ගුවන් හමුදා කඹ ඇදීමේ සංචිතයේ සභාපති ගෲප් කැප්ටන් චමින්ද හේරත්, ගුවන් හමුදා ක්‍රීඩා කවුන්සිලයේ සාමාජිකයින්, ජ්‍යෙෂ්ඨ නිලධාරීන්, නිලධාරීන් සහ අනෙකුත් නිලයන් ද අවසන් තරඟ සහ සම්මාන ප්‍රදානෝත්සවය නැරඹීමට සහභාගී වූහ.