පිරිමි පාපැදි ධාවන තරඟයේ දින තුනක තරඟය වන අවසන් සහ තෙවන අදියර 2026 මාර්තු 01 වන දින සංකේතාත්මකව ආරක්ෂක මූලස්ථානය වන අකුරේගොඩ හිදී අවසන් විය. අද දින දඹුල්ල සිට අකුරේගොඩ ආරක්ෂක මූලස්ථානය දක්වා ගමන කිලෝමීටර් 134.3 ක දුරක් ආවරණය කරන ලදී. ගුවන් හමුදාවේ එෂාන් එස්.පී.එන් තුන්වන අදියරේදී පළමු ස්ථානය දිනා ගත් අතර ජා ඇල ෆ්ලෑෂ් වීල් හි රවිඳු සිතුමින සහ ගුවන් හමුදාවේ ද සිල්වා එල්.එස්.සී පිළිවෙලින් දෙවන සහ තෙවන ස්ථාන ලබා ගන්නා ලදීී.

කාන්තා පාපැදි ධාවන තරඟය ද  ආරම්භ වූ අතර තරඟකරුවන් මීරිගම සිට අකුරේගොඩ ආරක්ෂක මූලස්ථානය දක්වා කිලෝමීටර් 81.9 ක් පැදවූහ. ෆ්‍රෙන්ඩ්ස් පාපැදි සමාජයේ ඈන් ෂෙනාලි ජයග්‍රහණය කරමින් පළමු ස්ථානය ලබා ගන්නා ලදී. ගුවන් හමුදාවේ දිනේෂා දිල්රුක්ෂි දෙවන ස්ථානය දිනා ගත් අතර ස්පීඩ් ස්ටාර් පාපැදි සමාජයේ සුදාරිකා ප්‍රියදර්ශනී තෙවන ස්ථානය දිනා ගන්නා ලදී.

මෙම සම්මාන උළෙල  සවස ගුවන් හමුදා මූලස්ථාන පරිශ්‍රයේදී පැවැත්වූ අතර එහි ප්‍රධාන ආරාධිත අමුත්තා ලෙස ගුවන් හමුදාපති එයාර් මාර්ෂල් බන්දු එදිරිසිංහ මහතා සහභාගී විය.