ශ්‍රී ලංකා බර ඉසිලීමේ සම්මේලනය විසින් සංවිධානය කරන ලද අන්තර් සමාජ බර ඉසිලීමේ ශූරතාවලිය 2024 නොවැම්බර් 08 සිට 10 දක්වා ටොරින්ටන් ජාතික ක්‍රීඩා සංකීර්ණයේදී පැවැත්විණි.

ශ්‍රී ලංකා ගුවන් හමුදා අනුරාධපුර කඳවුර සිය 42 වන සංවත්සරය 2024 නොවැම්බර් 09 දින සමරන ලදී. කඳවුර තුල සහ කඳවුරින් බැහැරව සුභසාධනය සඳහා වූ වැඩසටහන් මගින්  විධිමත් සහ ප්‍රජා මූලික සිදුවීම් මාලාවක් සිදු කරනු ලැබීය.

ශ්‍රී ලංකා ගුවන් හමුදාවේ අංක 49 රසායනික, ජීව විද්‍යාත්මක, විකිරණ විද්‍යාත්මක සහ න්‍යෂ්ටික පුපුරණ ද්‍රව්‍ය (CBRNE) පක්ෂාංගය විසින් කටුනායක ගුවන් හමුදා කඳවුරේදී රසායනික, ජීව විද්‍යාත්මක, විකිරණ සහ න්‍යෂ්ටික (CBRN) ආපදා අවදානම් අවම කිරීම පිළිබඳ පුහුණුකරුවන් පුහුණු කිරීමේ (TOT) වැඩසටහනක් සාර්ථකව පවත්වන ලදී

දියතලාව ගුවන් හමුදා සටන් පුහුණු පාසල විසින් 2024 නොවැම්බර් 08 දින අංක 69 නිලධාරී ශිෂ්‍යභට නිලධාරීන්ගේ සහ අංක 21 දරණ කාන්තා නිලධාරී ශිෂ්‍යභටයන්ගේ මූලික බිම් සටන් පාඨමාලා පෙළපාලිය සහ අංක 173 නිත්‍ය ගුවන් භටයින්ගේත්‍, අංක 43 නිත්‍ය ගුවන් කාන්තා සහ අංක 41 සෘජු ප්‍රවේශ ගුවන් භටයින් හා ගුවන් කාන්තා පුහුණු පාඨමාලා සඳහා විසිර යාමේ පෙළපාලිය පැවැත්විණි.

එයාර් වයිස් මාර්ෂල් තුෂාර සිරිමාන්න ශ්‍රී ලංකා ගුවන් හමුදාවේ සුබසාධන අධ්‍යක්ෂ ජනරාල්වරයා ලෙස 2024 ඔක්තෝම්බර් 07 දින සිට ක්‍රියාත්මක වන පරිදි පත් කරන ලදී. ගුවන් හමුදා මූලස්ථානය  අලුතින් පත් කරන ලද අධ්‍යක්ෂ ජනරාල් සුභසාධක වෙත සිය සුභ පැතුම් පිරිනැමීය.

ශ්‍රී ලංකා ගුවන් හමුදාවේ 09 වැනි කණ්ඩායම පළාත් පාලන ආයතන සමඟ එක්ව මධ්‍යම අප්‍රිකානු ජනරජයේ බ්‍රියා හි 2024 නොවැම්බර් 07 දින එක්සත් ජාතීන්ගේ (ක්වික් ඉම්ෆෙක්ට් ප්‍රොජෙක්ට්) (QIP) සාර්ථකව සංවිධානය කරන ලදී. මන්දපෝෂණය පිළිබඳ දැනුවත් කිරීම කෙරෙහි අවධානය යොමු කරන ලදී