2026 අප්‍රේල් 22 සිට 30 දක්වා චීනයේ පැවැත්වීමට නියමිත 6 වන ආසියානු වෙරළ ක්‍රීඩා උළෙලේදී ශ්‍රී ලංකාව නියෝජනය කිරීමට ශ්‍රී ලංකා ගුවන් හමුදාවේ ක්‍රීඩක ක්‍රීඩිකාවන් , පුහුණුකරුවෙකු, සහ නිලධාරියෙකු ඇතුළුව 17 දෙනෙකු සමන්විත වෙයි.

ගුවන් හමුදා කණ්ඩායම ක්‍රීඩා කිහිපයක් හරහා තරඟ වදින අතර, වැඩිම නියෝජනය හෑන්ඩ්බෝල් ක්‍රීඩාවෙන්  වන අතර එයට ක්‍රීඩක ක්‍රීඩිකාවන් හත් දෙනෙකු සහ පුහුණුකරුවෙකු සහ නිලධාරියෙකු ඇතුළත් වේ. මල්ලවපොර සහ මලල ක්‍රීඩා සඳහා ක්‍රීඩක ක්‍රීඩිකාවන් දෙදෙනෙකු බැගින් සහභාගී වන අතර, කබඩි සඳහා ක්‍රීඩක ක්‍රීඩිකාවන් තිදෙනෙකු සහභාගී වේ. ඊට අමතරව, වොලිබෝල් ක්‍රීඩාවේදී එක් ක්‍රීඩිකාවක් ගුවන් හමුදාව නියෝජනය කරනු ඇත.

කණ්ඩායම් නායකත්ව භූමිකාවන්හි, ශ්‍රී ලංකා කාන්තා හෑන්ඩ්බෝල් කණ්ඩායම ගුවන් හමුදාවේ කෝප්‍රල් එරන්දී  WP විසින් මෙහෙයවනු ලබන අතර, ශ්‍රී ලංකා පිරිමි කබඩි කණ්ඩායම ප්‍රමුඛ ගුවන් භට සමරකෝන් SMCR විසින් මෙහෙයවනු ලැබේ.

2026 අප්‍රේල් 16 වන දින ගුවන් හමුදා මූලස්ථානයේ පැවති  හමුවකදී  ගුවන් හමුදාපති එයාර් මාර්ෂල් බන්දු එදිරිසිංහ මහතා ගුවන් හමුදා කණ්ඩායමට සිය සුභ පැතුම් එක් කළේය. ඔවුන්ගේ කැපවීම අගය කළ ඔහු ඔවුන්ගේ සහභාගීත්වයෙන් ජාතියට ගෞරවයක් ගෙන ඒමට ඇති හැකියාව පිළිබඳව විශ්වාසය පළ කළේය.