අංක 174-C නිත්‍ය ගුවන් භට, අංක 44-C නිත්‍ය ගුවන් කාන්තා, අංක 42-C ඉඳුරාම බඳවා ගැනීමේ ගුවන් භට සහ ගුවන් කාන්තා, අංක 18-C ස්වේච්ඡා ගුවන් කාන්තා බඳවා ගැනීමේ පාඨමාලා වල විසිරයාමේ පෙළපාළිය 2026 මැයි 12 වන දින දියතලාව ගුවන් හමුදා සටන් පුහුණු පාසලේදී පැවැත්විය. පෙළපාළියට අණදෙන නිලධාරී පුහුණු ගෲප් කැප්ටන් වසන්ත ලක්ෂ්මන් නිලධාරිතුමන් විසින් අණ දෙන ලදී.

අධ්‍යක්ෂ ජෙනරාල් සැලසුම්, එයාර් වයිස් මාර්ෂල් දේශප්‍රිය සිල්වා නිලධාරිතුමන් ප්‍රධාන ආරාධිත අමුත්තා ලෙස සහභාගී විය. ගුවන් හමුදා සටන් පුහුණු පාසලේ අණදෙන නිලධාරී ගෲප් කැප්ටන් ලලිත් සුගතදාස නිලධාරිතුමන් සහ ආරාධිතයින්, පාසලේ සියලුම නිලධාරීන් සහ සෙසු නිලයන් මෙම අවස්ථාවට සහභාගී විය.

වෙහෙසකර පුහුණු කාලයක් අවසන් කිරීමෙන් පසු ගුවන් භටයින් සහ ගුවන් කාන්තාවන් 607 දෙනෙකු විසිර යන ලදී. පෙළපාළිය අතරතුර සැලසුම් අධ්‍යක්ෂ ජෙනරාල්වරයා පුහුණුවන්නන් අමතමින් මූලික සටන් පුහුණුව සාර්ථකව නිම කිරීම පිළිබඳව ඔවුන්ට සුබ පතන ලදී. ප්‍රධාන ආරාධිත අමුත්තා ශ්‍රී ලංකා ගුවන් හමුදා සාමාජිකයෙකු වීමේ ගෞරවය සහ වගකීම තවදුරටත් අවධාරණය කරමින් මෙම තීරණාත්මක අවස්ථාවේදී මාතෘ භූමියට කැපවූ සේවාවක් ඉටු කිරීමේ වැදගත්කම ඉස්මතු කරන ලදී.

අංක 174-C නිත්‍ය ගුවන් භටයින්, අංක 44-C නිත්‍ය ගුවන් කාන්තා, අංක 42-C ඉඳුරාම බඳවා ගැනීමේ ගුවන් භටයින් සහ ගුවන් කාන්තාවන්, අංක 18-C ස්වේච්ඡා ගුවන් කාන්තා බඳවා ගැනීමේ පාඨමාලාවේ සම්මානලාභීන්.

ගුවන් භටයින්
හොඳම ශාරීරික යෝග්‍යතාව - ගුවන් භට අනුහස පී.කේ
හොඳම වෙඩික්කරු - ගුවන් භට රත්නායක ආර්.එම්.ආර්.එස්
හොඳම සරඹ - ගුවන් භට අංජන පී.ඩබ්ලිව්.ජී.එල්
හොඳම මැරතන් ශූරයා - ගුවන් භට කරුණාරත්න ආර්.එම්.කේ.ඩී
හොඳම අධ්‍යයන - ගුවන් භට මධුෂාන් බී.ඒ.එල්
සෑම අතින්ම දක්ෂතම - ගුවන් භට අනුහස පී.කේ

ගුවන් කාන්තාවන්
හොඳම ශාරීරික යෝග්‍යතාව - ගුවන් භට සුදුසිංහ එස්.එස්.පී
හොඳම වෙඩික්කරු - ගුවන් භට දිසානායක ඩී.පී.පී.ඩී
හොඳම සරඹ - ගුවන් භට පීටර්ස් ඩී.සී
හොඳම මැරතන් ශූරිය - ගුවන් භට නෙත්මා එච්.කේ
හොඳම අධ්‍යයන - ගුවන් භට පීටර්ස් ඩී.සී
සෑම අතින්ම දක්ෂතම - ගුවන් භට සරණිය ඊ

හොඳම ගුවන් භට බලඝණය - ෆ්ලයින් ඔෆිසර් ජේ.එම්.එම් ජයකොඩි නායකත්වයෙන් යුත් තුන්වන බලඝණය
හොඳම ගුවන් කාන්තා බලඝණය - ෆ්ලයින් ඔෆිසර් ඊ.ඩී.සී එදිරිවීර නායකත්වයෙන් යුත් පස්වන බලඝණය