ලෝක පරිසර දිනයට සමගාමීව අම්පාර ගුවන් හමුදා රෙජිමේන්තු මධ්‍යස්ථානයේදී  2026 ජුනි 05 වන දින රුක් රෝපණ වැඩසටහනක් පැවැත්විය. මෙම වැඩසටහන නිල වශයෙන් ආරම්භ කරමින් අණදෙන නිලධාරී ගෲප් කැප්ටන් ප්‍රභාත් ඇලෙක්සැන්ඩර් නිලධාරිතුමන් විසින් මධ්‍යස්ථානයේ ප්‍රධාන ආරක්ෂක මැදිරිය අසල විවෘත භූමියේදී කුබුක් පැළයක් රෝපණය කරන ලදී.

වැඩසටහනේ කොටසක් ලෙස අම්පාර වන සංරක්ෂණ දෙපාර්තමේන්තුව විසින් පරිත්‍යාග කරන ලද කුබුක් පැළ 50 ක් සහ මී පැළ 50 ක් මධ්‍යස්ථාන පරිශ්‍රය තුළ රෝපණය කරන ලදී.

මෙම අවස්ථාවට නිලධාරීන්, ගුවන් භටයින් සහ ගුවන් කාන්තාවන් ඇතුළු පිරිසක් සහ අම්පාර වන සංරක්ෂණ දෙපාර්තමේන්තුවේ නිලධාරීන් දෙදෙනෙකු සහභාගී විය.