2026 අන්තර් ඒකක නෙට්බෝල් තරගාවලියේ ශූරතාව දිනා ගැනීමට ඒකල ගුවන් හමුදා වෘත්තීය පුහුණු පාසල් කණ්ඩායම සමත් විය. අවසන් මහා තරගය 2026 ජූලි 28 වන දින තුම්මුල්ල ගුවන් හමුදා සෞඛ්‍ය කළමනාකරණ මධ්‍යස්ථානයේදී පැවැත්විය. එහිදී කටුනායක ගුවන් හමුදා කඳවුරු කණ්ඩායම පරාජයට පත් කරමින් ඒකල කණ්ඩායම ශූරතාව හිමිකර ගන්නා ලදී.

අවසන් මහා තරගයේදී ඒකල ගුවන් හමුදා වෘත්තීය පුහුණු පාසල් කණ්ඩායම ලකුණු 27ක් ලබා ගනිමින් ශූරතාව දිනාගත් අතර කටුනායක ගුවන් හමුදා කඳවුරු කණ්ඩායම ලකුණු 16ක් ලබා ගනිමින් අනුශූරතාව හිමිකර ගන්නා ලදී. මෙම අවස්ථාවට ගුවන් හමුදා සේවා වනිතා ඒකකයේ සභාපතිනි ක්‍රිෂාන්ති එදිරිසිංහ මහත්මිය ද සහභාගී විය.

තරගාවලියේදී කැපී පෙනෙන දක්ෂතා දැක්වූ ඒකල ගුවන් හමුදා වෘත්තීය පුහුණු පාසලේ ක්‍රීඩිකාවන් සම්මාන තුනක් දිනා ගැනීමට සමත් විය. තරගාවලියේ නෙට්බෝල් ක්වීන් සම්මානය ගුවන් කාන්තා රත්නසිරි එච්.එම්.එන්. විසින් හිමිකරගත් අතර, හොඳම මධ්‍යස්ථාන පිටියේ ක්‍රීඩිකාව ලෙස නායක ගුවන් කාන්තා කෝෂාලි ඩබ්ලිව්.ඩී. සම්මානයට පාත්‍ර විය. එමෙන්ම හොඳම ආරක්ෂක ක්‍රීඩිකාව ලෙස ගුවන් කාන්තා මධුමේඛලා ඩබ්ලිව්.එම්.එන් සම්මාන ලබා ගන්නා ලදී.

කටුනායක ගුවන් හමුදා කඳවුරු කණ්ඩායම නියෝජනය කළ පයිලට් ඔෆිසර්  පී.ඩී.ජේ.ඒ. වික්‍රමසිංහ තරගාවලියේ හොඳම වෙඩික්කරු සම්මානය හිමිකර ගන්නා ලදී.