2026 සැප්තැම්බර් 19 වන දින සිට ඔක්තෝබර් 04 වන දින දක්වා ජපානයේ අයිචි-නගෝයාහිදී පැවැත්වීමට නියමිත 20 වන ආසියානු ක්‍රීඩා උළෙල සඳහා ශ්‍රී ලංකාව නියෝජනය කිරීම සඳහා ශ්‍රී ලංකා ගුවන් හමුදා සාමාජිකයින් විසිහතර දෙනෙකු (24) තෝරාගෙන ඇත. මෙම කණ්ඩායමට නිලධාරීන් හය දෙනෙකු (06) සහ ක්‍රීඩක ක්‍රීඩිකාවන් දහඅට දෙනෙකු (18) ඇතුළත් වේ.

තෝරාගත් ගුවන් හමුදා ක්‍රීඩක ක්‍රීඩිකාවන් නූතන පෙන්ටැත්ලෝන්, මලල ක්‍රීඩා, හොකී, බොක්සිං, මල්ලවපොර, කරාටේ, ටයිකොන්ඩෝ, ජූඩෝ, කබඩි සහ බීච් වොලිබෝල් ඇතුළු ක්‍රීඩා විෂයයන් කිහිපයක් ඔස්සේ මෙම කීර්තිමත් ආසියානු ක්‍රීඩා ඉසව්වේදී ශ්‍රී ලංකාව නියෝජනය කිරීමට නියමිතය.

මෙම කීර්තිමත් ක්‍රීඩා උළෙල සඳහා ශ්‍රී ලංකා ගුවන් හමුදා සාමාජිකයින් මෙලෙස තෝරාගැනීම, ඔවුන්ගේ කැපවීම, විනය, ක්‍රීඩා කුසලතාව සහ ක්‍රීඩා විශිෂ්ටත්වය සඳහා දක්වන අඛණ්ඩ කැපවීම මනාව පිළිබිඹු කරයි.

ජාත්‍යන්තර වේදිකාවේදී සිය උපරිම දක්ෂතා ප්‍රදර්ශනය කරමින්, සිය කැපවීම, ක්‍රීඩා කුසලතා සහ විශිෂ්ට කාර්ය සාධනය තුළින් ශ්‍රී ලංකාවට සහ ශ්‍රී ලංකා ගුවන් හමුදාවට ගෞරවය හා කීර්තිය අත්කර දීමට ශ්‍රී ලංකා ගුවන් හමුදා කණ්ඩායම අපේක්ෂා කරයි.

නිලධාරීන්
ගෲප් කැප්ටන් ඩී.ඊ.ගීගනගේ  
ගෲප් කැප්ටන් පීඒපී ප්‍රියදර්ශන 
කෝප්‍රල් ගුරුසිංහ සීඒස්
සැරයන් එඩ්වඩ් ආර්ජේ  
කෝප්‍රල් රත්නසේකර ඒම්ආර්  
සැරයන් ලක්ෂිකා ඒපී 

ක්‍රීඩක ක්‍රීඩිකාවන් 
ෆ්ලයිට් ලෙෆ්ටිනන්ට් යුඅයිඔ ද සිල්වා
නායක ගුවන් කාන්තා දසනායක ඒල්කේජීකේකේ 

මලල ක්‍රීඩා 
සැරයන් තරංග පිආර් 
කෝප්‍රල් සත්සරණි 

හොකී
නායක ගුවන් භට වීරසූරිය පී.ජී.එම්.එස්
නායක ගුවන් භට නිමංක 
නායක ගුවන් භට සඳරුවන් බී.ඒ.එල්

බොක්සිං
නායක ගුවන් කාන්තා කුරේ එම්පීඑස්එස්

මල්ලවපොර
කෝප්‍රල් දර්මදාස 
නායක ගුවන් භට විජේසූරිය ඩබ්ලිව්.එම්.එම්.එල් 

කරාටේ
ආධුනික ගුවන් භට බ්‍රයන් ඊ 

ටයිකොන්ඩෝ
නායක ගුවන් යානා කාන්තා ඈන්සොෆ්නා  

ජූඩෝ
සැරයන් ධර්මවර්ධන 

කබඩි
කෝප්‍රල් බණ්ඩාර ඩී.ජී.එච්.කේ
කෝප්‍රල් බණ්ඩාර එච්ආර්එස්එස්
නායක ගුවන් කාන්තා ගුණරත්න කේ.ඒ.ඒ.එස්
නායක ගුවන් කාන්තා ගොඩමුන්නේ යූ.ජී.එච්.කේ

බීච් වොලිබෝල්
නායක ගුවන් භට සේනාරත්න ආර්.පී.ඩී.සී