2026 සැප්තැම්බර් මස 16 වන දින යාපනය, චාවකච්චේරිහි වාලර්මති ක්‍රීඩාංගණයේදී ආරම්භ වූ 2026 රාජ්‍ය සේවා නෙට්බෝල් ශූරතාවලියේදී ශ්‍රී ලංකා ගුවන් හමුදා නෙට්බෝල් ක්‍රීඩිකාවෝ විශිෂ්ට දස්කම් දක්වමින් තරගාවලිය පුරා සිය දක්ෂතාව ප්‍රදර්ශනය කරන ලදී.

රාජ්‍ය සේවා නෙට්බෝල් ක්‍රීඩා සංගමය විසින් සංවිධානය කරන ලද මෙම තරගාවලිය සඳහා රාජ්‍ය ආයතන 18ක් නියෝජනය කරමින් කණ්ඩායම් 52ක් සහභාගී වූහ. මෙහිදී ශ්‍රී ලංකා ගුවන් හමුදාවේ ‘A’ සහ ‘B’ කණ්ඩායම් විසින් පිළිවෙළින් ‘A’ සහ ‘B’ කාණ්ඩ යටතේ කැපී පෙනෙන දස්කම් දක්වමින් ජයග්‍රහණ රැසක් අත්කර ගන්නා ලදී.

දක්ෂතාව, කැපවීම සහ තරගකාරීත්වය මැනවින් ප්‍රදර්ශනය කළ ගුවන් හමුදා ‘A’ කණ්ඩායම, තරගකාරී තරග මාලාවකින් අනතුරුව ‘A’ කාණ්ඩයේ ලීග් ශූරතාව දිනා ගැනීමට සමත් විය. එමෙන්ම, ‘A’ කාණ්ඩයේ පිළිමළුන් පිටුදැකීමේ තරගාවලියේ අනුශූරතාව ද හිමිකර ගන්නා ලදී.

ගුවන් හමුදා ‘B’ කණ්ඩායම ද විශිෂ්ට දස්කම් දක්වමින් ‘B’ කාණ්ඩයේ ලීග් ශූරතාව දිනාගන්නා ලදී. එම කාණ්ඩයේ පිළිමළුන් පිටුදැකීමේ තරගාවලියේ අනුශූරතාව ද හිමිකර ගන්නා ලදී. මෙම ජයග්‍රහණ තුළින් ශ්‍රී ලංකා ගුවන් හමුදාවට තවදුරටත් කීර්තියක් සහ ගෞරවයක් අත්කර දීමට එම ක්‍රීඩිකාවෝ සමත් විය.

තරගාවලියේ ජයග්‍රාහකයින් සඳහා කුසලාන සහ සහතිකපත් ප්‍රදානය කළ සම්මාන රාත්‍රිය 2026 සැප්තැම්බර් මස 19 වන දින යාපනයේදී පවත්වන ලදී.