ශ්‍රී ලංකා ගුවන් හමුදා අන්තර් ඒකක පැසිපන්දු ශූරතාවලිය – 2026, 2026 ඔක්තෝබර් මස 29 වන දින සිට නොවැම්බර් මස 03 වන දින දක්වා තුම්මුල්ල ගුවන් හමුදා සෞඛ්‍ය කළමනාකරණ මධ්‍යස්ථානයේදී පැවැත්විය. එහි අවසන් මහා තරග සහ ත්‍යාග ප්‍රදානෝත්සවය 2026 නොවැම්බර් මස 03 වන දින සාර්ථකව පැවැත්විය. එම අවස්ථාව සඳහා ප්‍රධාන ආරාධිත අමුත්තා ලෙස ගුවන් හමුදා මාණ්ඩලික ප්‍රධානී එයාර් වයිස් මාර්ෂල් ලසිත සුමනවීර මහතා සහභාගී විය.

කාන්තා අංශයේ සමස්ත ශූරතාව ශ්‍රී ලංකා ගුවන් හමුදා ඒකල වෘත්තීය පුහුණු පාසල විසින් දිනාගනු ලැබූ අතර අනුශූරතාව ශ්‍රී ලංකා ගුවන් හමුදා චීන වරාය විද්‍යාපීඨය විසින් හිමිකර ගන්නා ලදී. පිරිමි අංශයේ ශූරතාව ශ්‍රී ලංකා ගුවන් හමුදා චීන වරාය විද්‍යාපීඨය විසින් දිනාගත් අතර අනුශූරතාව ශ්‍රී ලංකා ගුවන් හමුදා හිඟුරක්ගොඩ කඳවුර විසින් හිමිකර ගන්නා ලදී.

මෙම අවසන් මහා තරග සහ ත්‍යාග ප්‍රදානෝත්සවය නැරඹීම සඳහා ගුවන් හමුදා බාස්කට්බෝල් කළමනාකරණ කමිටුවේ (AFBM) සාමාජිකයන්, පැසිපන්දු සංගමයේ සභාපති එයාර් වයිස් මාර්ෂල් අමල් පෙරේරා මහතා, ගුවන් හමුදා ක්‍රීඩා මණ්ඩලයේ සාමාජිකයන්, කඳවුරු අණදෙන නිලධාරීන්, අණදෙන නිලධාරීන්, නිලධාරීන් සහ ආරාධිත අමුත්තන් රැසක් සහභාගී විය.

විශේෂ දක්ෂතා ඇගයීම්

කාන්තා අංශය
•    දක්ෂතම ප්‍රහාරාත්මක ක්‍රීඩිකාව: ගුවන් කාන්තා ගුණතිලක අයි.එම්.එම්.එස්.
•    දක්ෂතම ආරක්ෂක ක්‍රීඩිකාව: ෆ්ලයිට් ලෙෆ්ටිනන් එස්.එම්.එම්. සමරකෝන්.
•    දක්ෂතම ක්‍රීඩිකාව: නායක ගුවන් කාන්තා  ජයමාලි කේ.එම්.ඩී.එම්.

පිරිමි අංශය

•    දක්ෂතම ප්‍රහාරාත්මක ක්‍රීඩකයා: ස්කොඩ්‍රන් ලීඩර් යූ.ජී.එම්.එම්.එන්. බණ්ඩාර.
•    දක්ෂතම ආරක්ෂක ක්‍රීඩකයා: ගුවන් භට  මධුසංඛ එල්.එච්.සී.එස්.
•    දක්ෂතම ක්‍රීඩකයා: පයිලට් ඔෆිසර් ඒ.ඩී.එම්. ප්‍රනාන්දු.

මෙම ශූරතාවලිය තුළින් ගුවන් හමුදා සාමාජිකයන්ගේ ක්‍රීඩා කුසලතා, කණ්ඩායම් හැඟීම, විනය සහ ක්‍රීඩාශීලීත්වය ප්‍රවර්ධනය කිරීමට අවස්ථාවක්  සලසන ලදී.