ගුවන් යානා අමතර කොටස් ගබඩාව සිය 30 වන සංවත්සරය සමරයි
ශ්‍රී ලංකා ගුවන් හමුදා කටුනායක කඳවුරේ පිහිටි ගුවන් යානා අමතර කොටස් ඩිපෝව සිය 30 වන සංවත්සරය 2026 නොවැම්බර් මස 11 වන දින අභිමානවත් ලෙස සමරනු ලැබීය. ශ්‍රී ලංකා ගුවන් හමුදාවේ මෙහෙයුම් හා පරිපාලන කටයුතු සඳහා අඛණ්ඩව දායකත්වය ලබාදෙමින් වසර 30ක් පුරා ඉටු කළ සේවය මෙහිදී ඇගයීමට ලක් විය.
සංවත්සර සැමරුම් කටයුතු චාරිත්‍රානුකූල වැඩ පෙළපාලියකින් ආරම්භ වූ අතර, අනතුරුව ගුවන් යානා අමතර කොටස් ඩිපෝව අණදෙන නිලධාරී ගෲප් කැප්ටන් එම්.එම්.ඒ. මෙන්ඩිස් මහතා විසින් සංවත්සර දේශනය පවත්වන ලදී. එහිදී ඩිපෝවේ උසස් සේවා ප්‍රමිතීන් සහ කීර්තිනාමය පවත්වාගෙන යාම වෙනුවෙන් කැපවී කටයුතු කරන සියලුම නිලධාරීන්, සෙසු නිලයන් සහ සිවිල් කාර්ය මණ්ඩලය වෙත සිය ස්තූතිය පළ කළේය. එමෙන්ම, ආයතනයේ සාර්ථකත්වය සහ අභිවෘද්ධිය වෙනුවෙන් අතීතයේ මෙන්ම වර්තමානයේ ද දායකත්වය ලබාදුන් සියලු සාමාජිකයින් වෙත සිය ගෞරවය පුද කළේය.
මෙම සුවිශේෂී සංවත්සරය සනිටුහන් කරමින් සහ ආයතනයේ අඛණ්ඩ වර්ධනය සංකේතවත් කරමින් ඩිපෝව පරිශ්‍රය තුළ පැළ සිටුවීමේ වැඩසටහනක් ද ක්‍රියාත්මක කරන ලදී.
සංවත්සර සැමරුමට සමගාමීව ප්‍රජා සත්කාරක වැඩසටහනක් ද සංවිධානය කර තිබූ අතර, එහිදී දැනට ඩිපෝවේ සේවය කරන සිවිල් සහායක ජී.ඒ.එස්.එම්. කුමාර මහතාගේ නිවසේදී ප්‍රජා සත්කාරක ව්‍යාපෘතියක් ක්‍රියාත්මක කරන ලදී. තවද, 2017 පෙබරවාරි මස 19 වන දින සේවයේ නිරතව සිටියදී අභාවප්‍රාප්ත වූ සිවිල් සහායක වයි.පී.ජී. ධර්මසිරි මහතාගේ දරුවන්ගේ අධ්‍යාපන කටයුතු සඳහා සහාය වීමේ අරමුණින් පාසල් උපකරණ පරිත්‍යාග කිරීමක් ද සිදු කෙරිණි.
ගුවන් යානා අමතර කොටස් ඩිපෝවේ 30 වන සංවත්සර සැමරුම තුළින් එහි අභිමානවත් ඉතිහාසය සහ ශ්‍රී ලංකා ගුවන් හමුදාව වෙනුවෙන් ඉටු කළ මෙහෙවර ඇගයීමට ලක් වූ අතර, අතීත සාමාජිකයින්ගේ දායකත්වය සිහිපත් කරමින් ඉදිරියටත් ආයතනයේ වගකීම් හා සම්ප්‍රදායන් අඛණ්ඩව පවත්වාගෙන යාම සඳහා වර්තමාන සාමාජිකයින්ගේ කැපවීම යළිත් තහවුරු විය.
සංවත්සර සැමරුම් කටයුතු චාරිත්‍රානුකූල වැඩ පෙළපාලියකින් ආරම්භ වූ අතර, අනතුරුව ගුවන් යානා අමතර කොටස් ඩිපෝව අණදෙන නිලධාරී ගෲප් කැප්ටන් එම්.එම්.ඒ. මෙන්ඩිස් මහතා විසින් සංවත්සර දේශනය පවත්වන ලදී. එහිදී ඩිපෝවේ උසස් සේවා ප්‍රමිතීන් සහ කීර්තිනාමය පවත්වාගෙන යාම වෙනුවෙන් කැපවී කටයුතු කරන සියලුම නිලධාරීන්, සෙසු නිලයන් සහ සිවිල් කාර්ය මණ්ඩලය වෙත සිය ස්තූතිය පළ කළේය. එමෙන්ම, ආයතනයේ සාර්ථකත්වය සහ අභිවෘද්ධිය වෙනුවෙන් අතීතයේ මෙන්ම වර්තමානයේ ද දායකත්වය ලබාදුන් සියලු සාමාජිකයින් වෙත සිය ගෞරවය පුද කළේය.
මෙම සුවිශේෂී සංවත්සරය සනිටුහන් කරමින් සහ ආයතනයේ අඛණ්ඩ වර්ධනය සංකේතවත් කරමින් ඩිපෝව පරිශ්‍රය තුළ පැළ සිටුවීමේ වැඩසටහනක් ද ක්‍රියාත්මක කරන ලදී.
සංවත්සර සැමරුමට සමගාමීව ප්‍රජා සත්කාරක වැඩසටහනක් ද සංවිධානය කර තිබූ අතර, එහිදී දැනට ඩිපෝවේ සේවය කරන සිවිල් සහායක ජී.ඒ.එස්.එම්. කුමාර මහතාගේ නිවසේදී ප්‍රජා සත්කාරක ව්‍යාපෘතියක් ක්‍රියාත්මක කරන ලදී. තවද, 2017 පෙබරවාරි මස 19 වන දින සේවයේ නිරතව සිටියදී අභාවප්‍රාප්ත වූ සිවිල් සහායක වයි.පී.ජී. ධර්මසිරි මහතාගේ දරුවන්ගේ අධ්‍යාපන කටයුතු සඳහා සහාය වීමේ අරමුණින් පාසල් උපකරණ පරිත්‍යාග කිරීමක් ද සිදු කෙරිණි.
ගුවන් යානා අමතර කොටස් ඩිපෝවේ 30 වන සංවත්සර සැමරුම තුළින් එහි අභිමානවත් ඉතිහාසය සහ ශ්‍රී ලංකා ගුවන් හමුදාව වෙනුවෙන් ඉටු කළ මෙහෙවර ඇගයීමට ලක් වූ අතර, අතීත සාමාජිකයින්ගේ දායකත්වය සිහිපත් කරමින් ඉදිරියටත් ආයතනයේ වගකීම් හා සම්ප්‍රදායන් අඛණ්ඩව පවත්වාගෙන යාම සඳහා වර්තමාන සාමාජිකයින්ගේ කැපවීම යළිත් තහවුරු විය.
