එයාර් වයිස් මාර්ෂල් චන්දන ගීතප්‍රිය 1970 උපත ලබා පැල්මඩුල්ල දර්මාලෝකේ මහා විද්‍යාලයෙන් මූලික අධ්‍යාපනය හදාරා හොරණ තක්ෂිලා මධ්‍ය මහා විද්‍යාලයෙන් ද්විතීයික අධ්‍යාපනය ලබා ඇත. 1990 නොවැම්බර් 03 වන දින රත්මලාන ජෙනරල් ශ්‍රීමත් ජෝන් කොතලාවල ආරක්ෂක විද්‍යාපීඨයේ 8 වැනි බඳවා ගැනීමේ නිලධාරියෙකු ලෙස ශ්‍රී ලංකා ගුවන් හමුදාවට සම්බන්ධ වූ අතර 1992 නොවැම්බර් 14 වන දින සිවිල් ඉංජිනේරු අංශයේ නියමු නිලධාරියෙකු ලෙස පත් කරන ලදී.
ගුවන් හමුදා කටුනායක කඳවුරේ යාන්ත්‍රික හා විදුලි ඉංජිනේරු පක්‍ෂාංගයෙන් විදුලි ඉංජිනේරුවරයෙකු ලෙස සිය හමුදා දිවිය ආරම්භ කළ අතර බාධාවකින් තොරව නිලයන් හරහා ඉහළට පැමිණියේය. ශ්‍රී ලංකා ගුවන් හමුදා රත්මලාන කඳවුරේ සහ වවුනියාව ගුවන් හමුදා කඳවුරේ අණදෙන නිළධාරී තනතුරු වැනි ප්‍රධාන පත්වීම් රැසක සේවය කර ඇත. තවද, මාණ්ඩලික නිලධාරි සිවිල් ඉංජිනේරු II, මාණ්ඩලික නිලධාරි සිවිල් ඉංජිනේරු I සහ ජ්‍යෙෂ්ඨ මාණ්ඩලික නිලධාරි සිවිල් ඉංජිනේරු යන නිලධාරීන්ගේ තීරණාත්මක පත්වීම් ඔහු විසින් දරන ලදී. ගුවන් හමුදා කටුනායක කඳවුරේ යාන්ත්‍රික හා විදුලි ඉංජිනේරු පක්‍ෂාංගයේ අණදෙන නිලධාරියා ලෙස පත්කිරීම ද ඔහු විසින් සිදු කරන ලද අතර එහි මෙහෙයුම් සහ සංවර්ධනය සඳහා ගතික කාර්යභාරයක් ඉටු කළේය. ඔහුගේ නායකත්වය සහ මගපෙන්වීම යටතේ, 2015 වසරේ පිරිනැමුණු “විශිෂ්ඨතම පර්යේෂණ කණ්ඩායම” සහ 2016 වසරේ ශ්‍රී ලංකා නව නිපැයුම්කරුවන්ගේ කොමිෂන් සභාව විසින් සංවිධානය කරන ලද “සහසක් නිමැවුම්” තරඟාවලියේදී නව්‍ය ගුවන් තොටුපල ආලෝකකරණ පද්ධතිය සඳහා වූ රන් පදක්කම ඇතුළු කැපී පෙනෙන ජයග්‍රහණ රැසක් ලබා ගන්නා ලදී. උපායමාර්ගික නායකත්වයේ භූමිකාවන් තුළ, ඔහු ඉදිකිරීම් ඉංජිනේරු පිරිස් සහ සැලසුම් අධ්‍යක්ෂ ලෙස පත් කර ඇති අතර දැනට ශ්‍රී ලංකා ගුවන් හමුදාවේ අධ්‍යක්ෂ ජනරාල් ඉදිකිරීම් ඉංජිනේරු තනතුර දරනු ලබයි.
එයාර් වයිස් මාර්ෂල් ගීතප්‍රිය 1992 දියතලාව සටන් පුහුණු පාසලේදී මූලික සටන් පුහුණුව සහ මූලික පරිපාලන පුහුණුව සාර්ථකව නිම කරන ලදී. ඔහු ශ්‍රී ලංකා ගුවන් හමුදා චීන වරාය විද්‍යාපීඨයේ කනිෂ්ඨ අණ හා මාණ්ඩලික පාඨමාලාව ඇතුළු වෘත්තීය පුහුණු පාඨමාලා රැසක් සාර්ථකව නිම කර ඇත. සපුගස්කන්ද ආරක්ෂක සේවා අණ සහ මාණ්ඩලික විද්‍යාලයේ ජ්‍යෙෂ්ඨ අණ සහ මාණ්ඩලික පාඨමාලාව සහ කොතලාවල ආරක්ෂක විශ්වවිද්‍යාලයේ ජාතික ආරක්ෂාව සහ උපායමාර්ගික අධ්‍යයනය පිළිබඳ විද්‍යාවේදී උපාධිය ඒ අතර වේ. තවද, ශ්‍රී ලංකා ත්‍රිවිධ හමුදාවේ නිලධාරීන් සඳහා උපාය මාර්ගික ඉගෙනීමේ ඉහළම ආසනය වන ජාතික ආරක්ෂක විද්‍යාලයෙන් ඔහු “ndc” යන කීර්තිමත් නාමය ලබා ගත්තේය.
ඔහුගේ විශිෂ්ඨ සේවය වෙනුවෙන් "උත්තම සේවා පදක්කම" පිරිනමා ඇත. මීට අමතරව, ඔහු ශ්‍රී ලංකා ගුවන් හමුදා කඹ ඇදීමේ තරඟ සංචිත සභාපතිවරයා ලෙස පත් කර ඇති අතර කොතලාවල ආරක්ෂක විශ්ව විද්‍යාලයේ රග්බි සඳහා ක්‍රීඩා වර්ණ ප්‍රදානය කර ඇත. එයාර් වයිස් මාර්ෂල් චන්දන ගීතප්‍රිය සුදර්ශි ප්‍රියංගා මහත්මිය සමඟ විවාහ වී යෝවිඳු සහ සේතුමිණි පුතෙකු හා දියණියකගේ ආදරනීය පියකු වේ.
