කැල්ටෙක්ස් ප්‍රිමියර් ලීග් රග්බි තරගාවලියේ  ශ්‍රී ලංකා ගුවන් හමුදා කණ්ඩායම හා ශ්‍රී ලංකා නාවික හමුදා කණ්ඩායම අතර මූලික වටයේ තරගයක් පසුගිය දා (02 මැයි 10) රත්මලාන ගුවන් හමුදා කදවුරේදී පැවැත්වින.

උණුසුම් මුහුණුවරක් ගත් මෙම තරගය පුරාවට ප්‍රබල අභියෝගයක්  තම ප්‍රතිවිරුද්ධ කණ්ඩායම වෙතට එල්ල කිරීමට ගුවන් හමුදා කණ්ඩායම සමත් වූවත් අවසානයේ 06-05 ලෙස ශ්‍රී ලංකා නාවික හමුදාව තරගයේ ජය හිමිකර ගැනීමට සමත් විය.තරගය පුරාවටම ලබාගත් එකම උත්සාහක දිනුම වාර්ථා කිරීමට ගුවන් හමුදා කණ්ඩායමේ විංග් ත්‍රී ක්‍රීඩක පුබුධු කෝදාගොඩ සමත් විය.    

මෙම තරගය නැරඹීම සදහා අතිගරු ජනාධිපති මහින්ද රාජපක්ෂ මහතා හා ජනාධිපති ආර්යා ශිරන්ති රාජපක්ෂ මැතිණියද මෙයට සහභාගි වූ අතර ආරක්ෂක මාණ්ඩලික ප්‍රධානී  හා ගුවන් හමුදාපති රොෂාන් ගුණතිලක හා ශ්‍රී ලංකා නාවික හමුදාපති වයිස් අද්මිරාල් තිසර සමරසිංහ යන මහත්වරුන්ද මෙම අවස්ථාව සදහා සහභාගි වූහ.   

v