අන්තර් ඒකක බර ඉසිලීමේ තරඟාවළිය පසුගිය නොවැම්බර් මස 19 වන දින ඒකල ගවන් හමුදා කඳවුරේදී නිමාවට පත්විය. එහිදී ලකුණු 19 ක් ලබාගනිමින් රත්මලාන ගුවන් හමුචා කඳවුර සහ ඒකල ගුවන් හමුදා වෘත්තීය පුහුණු පාසල පිරිමි ශූරතාවය දිනාගන්නා ලද අතර ප‍්‍රසාද ලකුණු 17 ක් ලබා ගත් ඒකල ගුවන් හමුදා කඳවුර කාන්තා ශූරතාවය දිනාගන්නා ලදී.

මෙහිදී ප‍්‍රසාද ලකුණු 11 ක් ලබාගත් බණ්ඩාරනායක අන්තර් ජාතික ගුවන් තොටුපල ගුවන් හමුදා කඳවුර හා ප‍්‍රසාද ලකුණු 12 ක් ලබා ගත් රත්මලාන ගුවන් හමුදා කඳවුර පිළිවෙලින් පිරිමි සහ කාන්තා අනුශූරතාවය දිනා ගන්නා ලදී.

මෙවර තරඟාවළිය සඳහා බර පංතීන් 8 ක් යටතේ පිරිමි තරඟකරුවන් 64 දෙනෙකු සහ කාන්තා තරඟකාරියන් 17 දෙනෙකු සහභාගී විය. නායක ගුවන් භට අප්පුහාමි එම්ඒඞීටීජී හා ගුවන් කාන්තා රොෂානි ආර්ඒඞීඑස් දක්‍ෂතම බර ඔසවන්නා සහ ඔසවන්නිය ලෙස තේරී පත්විය.

ගුවන් හමුදා ස්කොෂ් සංචිතයේ සභාපති එයාර් වයිස් මාර්ෂල් එම්එල්කේ පෙරේරා ප‍්‍රධාන ආරාධිත අමුත්තා වශයෙන් සහභාගී විය.