පාලවිය ගුවන් හමුදා කඳවුර මගින් වාර්ෂිකව සිදු කරනු ලබන සර්ව රාත්‍රික පිරිත් සජ්ජායනාව පසුගිය මාර්තු මස 19 සහ 20 යන දිනයන්හිදී කඳවුරු අණදෙන නිළධාරී විංග් කමාන්ඩර් නිශාන්ත ප්‍රියදර්ශනගේ මගිපෙන්වීම මත සිදු කරන ලදි. ගුවන් හමුදාවේ 64 වන සංවත්සරයට සහ නැවත ස්තාපිත කරනු ලැබූ බෝම්බ නිෂ්ක්‍රීය පුහුණු පාසලේ 03 වන සංවත්සරයට සමගාමීව මෙම පිරිත් සජ්ජායනාව පවත්වන ලදි.
මෙහි ආගමික වතාවත් සිදු කිරීම පාලවිය අත්තවිල්ලුව ශ්‍රී සුධර්මාරාම විහාරයේ විහාරාධිපති පූජ්‍ය  තංගල්ල නන්ද හිමිපාණන් විසින් සිදු කරන ලදී.
පිරිත් සජ්ජායනාව ඉතාමත් අලංකාරව ආරම්භ රන ලද අතර එහිදී ගුවන් හමුදාධිපතිතුමන්, දේශයේ අනාගත අභිවෘද්ධිය වෙනුවෙන් දිවි පිදූ ගුවන් හමුදා සාමාජික සාමාජිකාවන්, ආබාධිත රණවිරුවන්, ගුවන් හමුදාවේ දැනට සේවයේ යෙදී සිටින සාමාජික සාමාජිකාවන්, ගුවන් හමුදාවේ විශ්‍රාමික ගුවන් හමුදා සාමාජික සමාජිකාවන් සහ පවුල්වල සාමාජික සාමාජිකාවන් හට සෙත් පැතීමද සිදු කරන ලදි.
සියළුම කඳවුරු සාමාජික සාමාජිකාවන්, පුත්තලම දිස්ත්‍රික්කයේ ර‍ජයේ නිලධාරීන් ඇතුලු රැසක් පිරිත් ශ්‍රවනය සඳහා එක්වූහ.