පළමු ”ගුවන් ලක් සෙවන” නිවස ප‍්‍රදානය කෙරේ
ශ්රී ලංකා ගුවන් හමුදා සේවා වනිතා ඒකකය විසින් ක‍්‍රියාත්මක ”ගුවන් ලක් සෙවන” නිවාස ව්‍යාපෘතිය යටතේ සම්පූර්ණයෙන් ඉදිකර නිම කරන ලද නිවසක් ප‍්‍රදානය කිරීම අද (2015 අගෝස්තු මස 28) වන දින හෝමාගම, මාවතගමදී සිදු කරන ලදී. 23056 බලපන්ති සැරයන් සම්පත් පීඑස්ජේ හට මෙලෙස ඉදි කරන ලද නිවස ප‍්‍රදානය කිරීම ගුවන් හමුදාධිපති එයාර් මාර්ෂල් ගගන් බුලත්සිංහල මහතාගේ ප‍්‍රධානත්වයෙන් සිදු කරන ලදී.
ගුවන් හමුදා සේවා වනිතා ඒකකයේ මූල්‍ය දායකත්වයෙන් ගුවන් හමුදා සිවිල් ඉංජිනේරු අධ්‍යක්‍ෂක කාර්යාලයේ අධීක්‍ෂණය යටතේ රත්මලාන ගුවන් හමුදා කඳවුර මගින් මෙහි ඉදිකිරීම් කටයුතු සිදු කරන ලදී.
ගුවන් හමුදා සේවා වනිතා ඒකකයේ සභාපතිනී සමන්ති බුලත්සිංහල මැතිණිය, ගුවන් හමුදා සුභ සාධක අධ්‍යක්‍ෂක එයාර් වයිස් මාර්ෂල් එම්එල්කේ පෙරේරා සහ රත්තමලාන ගුවන් හමුදා කඳවුරු අණදෙන නිළධාරී එයාර් කොමඩෝර් පීඩීකේටී ජයසිංහ ඇතුළු පිරිසක් මෙම අවස්ථාවට සහභාගී වූහ.
ගුවන් හමුදා සේවා වනිතා ඒකකයේ මූල්‍ය දායකත්වයෙන් ගුවන් හමුදා සිවිල් ඉංජිනේරු අධ්‍යක්‍ෂක කාර්යාලයේ අධීක්‍ෂණය යටතේ රත්මලාන ගුවන් හමුදා කඳවුර මගින් මෙහි ඉදිකිරීම් කටයුතු සිදු කරන ලදී.
ගුවන් හමුදා සේවා වනිතා ඒකකයේ සභාපතිනී සමන්ති බුලත්සිංහල මැතිණිය, ගුවන් හමුදා සුභ සාධක අධ්‍යක්‍ෂක එයාර් වයිස් මාර්ෂල් එම්එල්කේ පෙරේරා සහ රත්තමලාන ගුවන් හමුදා කඳවුරු අණදෙන නිළධාරී එයාර් කොමඩෝර් පීඩීකේටී ජයසිංහ ඇතුළු පිරිසක් මෙම අවස්ථාවට සහභාගී වූහ.
