2015 ”ඇක්වා විඩා” වෙරළ ක‍්‍රීඩා සැණකෙළියේ දී ශ‍්‍රී ලංකා ගුවන් හමුදා සහ ශ‍්‍රී ලංකා යුධ හමුදා අත්පන්දු කණ්ඩායම් සම ශූරතාවය දිනා ගන්නා ලදී. එහිදී ගුවන් හමුදා කාන්තා අත්පන්දු කණ්ඩායම කාන්තා ශූරතාවයට හිමිකම් කියන ලදී. තරඟාවළීය 2015 නොවැම්බර් මස 14 වන දින නිමාවට පත්විය.

ඇක්වා විඩා තරඟාවලිය ක්ලියර්මාර්ක් හෝල්ඩින්ග්ස් විසින් සංවිධානය කරන ලද අතර  ගුවන් හමුදා කාන්තා සහ පිරිමි අත්පන්දු කණ්ඩායම් විශිෂ්ට දකෂතාවයන් ප‍්‍රදර්ශනය කරන ලදී.

පළමු ඇක්වා විඩා තරඟාවළිය වන මෙය මීීගමුව වෙරළ තීරයේදී තරඟකරුවන් තරඟකාරියන් 700 කගේ පමණ සහභාගීත්වයකින් පවත්වන ලදී. වෙරළ ක‍්‍රීඩා තරඟාවළියක් ක‍්‍රීඩා අංගයන් කිහිපයකගේ එකතුවක් වන අතර එයට වෙරළ පාපන්දු, වෙරළ වොලිබෝල්, වෙරළ වෝටර් පෝලෝ,  වෙරළ අත්පන්දු, වෙරළ රග්බි තරඟ සහ මුහුදු පිහිනුම් තරඟ අංගයන් ඇතුළත් වේ.