ශී‍්‍ර ලංකා ගුවන් හමුදා කෞතුකාගාරය මගින් යොවුන් ගුවන් යානා තාක්ෂණික සමාජයේ සමාජික සාමාජිකාවන් වෙනුවෙන් ගුවන් යානා එන්ජින් පිළිබඳව පවත්වනු ලබන  වැඩමුළු මාලාවේ තුන්වන වැඩමුළුව පසුගිය දා රත්මලාන  ශී‍්‍ර ලංකා ගුවන් හමුදා කෞතුකාගාරයේදී පවත්වන ලදී. මෙහිදී මෙම වැඩමුළු මාලාවේ පළමුවැන්න ලෙස  'ගුවන් සේවා මූලධර්මයන්' පිළිබඳව ද දෙවන වැඩමුළුව ලෙස 'ගුවන් යානා ගොඩබැස්සවීමේ ගියර පද්ධති' පිළිබඳව ද පැවති වැඩමුළු දෙක සම්පූර්ණ කරන ලද සිසු දරු දැරියන් මෙම විශේෂිත එක් දින වැඩසටහන සඳහා සහභාගී වූහ.

සිසු දරු දැරියන් පන්සියයකගේ (500) සහභාගීත්වයෙන් පැවති මෙම දේශනයේදී මූලිකව ගුවන් යානා එන්ජින් පිළිබඳව න්‍යායික හා ප‍්‍රායෝගික දැනුම, වීඩියෝ දර්ශන සහ ගුවන් යානා තාක්ෂණය පිළිබඳ මූලික දැනුම ලබා දෙන ලදී. මෙම වැඩමුළුව අවසානයේ සිසු දරු දැරියන් හට සහතික පත‍්‍ර ප‍්‍රදානය ද සිදුකරන ලදී.