කොළඹ ගුවන් හමුදා පෙර පාසලේ විවිධ ප්‍රසංගය උත්සවාකාරයෙන් නිම වෙයි

ගුවන් හමුදා කොළඹ කදවුරේ සේවය කරන ගුවන් හමුදා සිවිල් හා සේවා පුද්ගලයන්ගේ දරුවන් වෙනුවෙන් ගුවන් හමුදා සේවා වනිතා ඒකකය මගින් පවත්වාගෙන යනු ලබන ජාත්‍යන්තර පෙර පාසලේ වාර්ෂික විවිධ ප්‍රසංගය අද සන්ද්‍යාභාගයේදී ආරක්ෂක සේවා විද්‍යාලයීය ශ්‍රවණාගාරයේදී උත්සවාකාරයෙන් නිම විය

කුඩා කල පටන්ම දරුවන්ගේ කායික හා මානසික සංවර්ධනය වෙනුවෙන් ජාත්‍යන්තර මට්ටමේ අධ්‍යාපනයක් මෙම පෙර පාසල් දරුවන් වෙනුවෙන් ලබාදෙන අතර පුරා වසරක් මුළුල්ලේ උගත් දේ ක්‍රියාවට නංවමින් අවසන් අධ්‍යාපනික ප්‍රසංගය, 78 දෙනෙකුගෙන් සමන්විත පෙර පාසල් දරුවන්ගේ සහභාගීත්වයෙන් අද එලි දක්වන ලදී.මේ සදහා නැටුම්, ගැයුම්, වැයුම්, සරබ සහ නාට්‍ය ආදී විවිධ අංගයන් ඉදිරිපත් කරමින් පැමින සිටි පිරිස් අ
මානන්දයට පත්කිරීමට සමත් විය.

මෙම උත්සවයේ ප්‍රධාන අමුත්තා ලෙස ගුවන් හමුදා සුභ සාධක අධ්‍යක්ෂක එයාර් වයිස් මාර්ෂල් ඩබ්.ඒ. සිල්වා සහභාගි වූ අතර, ගුවන් හමුදා සිවිල් ඉන්ජිනේරු අධ්‍යක්ෂක  විංග් කමාන්ඩර් එල්.ආර්.ඒ.ජේ.
සිල්වා, හා ගුවන් හමුදා කොළඹ කදවුරු අණදෙන නිලධාරී ගුවන් කොමදෝරු විජිත ගුණරත්න ඇතුලු නිලධාරීන්ද මේ අවස්ථාවට එක්විය.





ආඩම්බරයෙන්, ශක්තියෙන් සහ නොසැලෙන කැපවීමෙන් ජාතියට සේවය කිරීම. අපගේ අහසේ ස්වෛරීභාවය ආරක්ෂා කිරීමට සහ ආරක්ෂා කිරීමට ශ්‍රී ලංකා ගුවන් හමුදාව සූදානමින් සිටී.

විමසන්න

අපගේ වෙබ් අඩවියේ හොඳම අත්දැකීම ඔබට ලබා ගැනීම සහතික කිරීම සඳහා මෙම වෙබ් අඩවිය විවිධ දත්ත භාවිතා කරයි. සවිස්තරාත්මක විස්තර සඳහා, අපගේ රහස්‍යතා ප්‍රතිපත්ති පිටුවට පිවිසෙන ලෙස කාරුණිකව ඉල්ලා සිටිමු.