ශ්‍රී ලංකා ගුවන් හමුදා කටුකුරුන්ද කදවුර, 2010 නොවැම්බර් මස 16 වන දින තම 26 වන සංවත්සරය සමරන ලදී.

රාජකීය නාවික ගුවන් කදවුරක් ලෙස කපිතාන් ජී.ඒ රොදර්හැම් යටතේ 1943 දී ඇරඹි මෙම කදවුර 2වන ලෝක යුධ සමයේදී ඉමහත් කාර්‍යභාරයක් සිදුකොට ඇත.

පසුව මෙය නිළධාරීන් 300 ක් හා සෙසු නිලයන් 3000 කින් සමන්විත විශාල කදවුරක් බවට පත් වූ අතර අතිරේක ගුවන් යානා සහ ගුවන් භටයින් ස්ථානගත කල කදවුරක් බවටද පත් විය.

පසුව 1984 නොවැම්බර් මස 16 වන දින මුදල් හා ක්‍රම සම්පාදන ඇමති ගරු රොනීද මෙල් මහතා අතින් විවෘත ශ්‍රී ලංකා ගුවන් හමුදා කදවුරක් බවට පරිවර්තනය කරන ලදී.

වර්ථමානයේ සියලු පහසුකම් වලින් සපිරි කදවුරක් බවට පත්ව ඇති අතර ගුවන් පුහුණු පාසැල් 3ක්  පවත්වාගෙන යාමට කටයුතු සලසා ඇත.

26 වන සංවත්සරය සනිටුහන් කරමින් කදවුරු අණදෙන නිළධාරී බලඝණ නායක චින්තක හේරත්, අනුදැනුම මත කළුතර ගල්පාත ළමා නිවාසයක්ට පරිත්‍යාග කිහිපයක් සිදු කල අතර සංවත්සර පෙලපාළියක්, පැල සිටුවීමේ ව්‍යාපාරයක් සහ ක්‍රීඩා අංගයන්ගෙන් සමන්විත දිනයක් විය.