ගුවන් හමුදාධිපති එයාර් මාර්ෂල් සුමංගල ඩයස් මහතා විසින් කටුනායක ගුවන් හමුදා කඳවුරේ ගුවන් හමුදාධිපතිතුමාගේ වාර්ෂික පරීක්‍ෂණය (පළමු සැසිය) 2019 ජූලි මස 18 වන දින පවත්වන ලදී.

කඳවුරු අණදෙන නිළධාරී එයාර් කොමර්ඩෝ එච්එස්එස් තුයියාකොන්තා විසින් අණදෙනු ලැබූ පෙළපාලිය ගුවන් හමුදාධිපතිතුමන් විසින් නිරීක්‍ෂණය කරන ලදී. බලලත් නිළධාරීන් 03 දෙනෙකු, ජ්‍යෙෂ්ඨ අණ නොලත් නිළධාරීන් 20, දෙනෙකු කණිෂ්ඨ අණ නොලත් නිළධාරීන් 05, නායක ගුවන් භටයින් 02, සහ එක් සිවිල් සේවක මහත්මයෙකු හට ඔවුන් ඉටුකරන ලද කාර්යයන් වෙනුවෙන් ගුවන් හමුදාධිපති ඇගයීම් සහතික පිරිනමන ලදී.

කඳවුරු පරීක්‍ෂණය අතරතුරදී ගුවන් හමුදාධිපතිතුමන් විසින් කඳවුරු කලාප අංක 1 නිරීක්‍ෂණය කරන ලද අතර කඳවුරේ අනෙකුත් කලාප 2019 ජූලි මස 19 වන දින නිරක්‍ෂණය කිරීමට නියමිතය.