ගුවන් හමුදාපතිතුමන්ගේ උපදෙස් පරිදි ශ්‍රී ලංකා ගුවන් හමුදාවේ මී මැසි පාලනය සංවර්ධනය කිරීම පිළිබඳ දැනුවත් කිරීමේ හා පුහුණු කිරීමේ වැඩසටහනක් පසුගිය  නොවැම්බර් මස 2 වන දින කටුනායක ගුවන් හමුදා කඳවුරේදී පවත්වන ලදී.මෙම අවස්ථාව සදහා සියලුම ගුවන් හමුදා කදවුරු නියෝජනය කරමින් ගුවන් හමුදා සාමාජිකයන් 300 ක් පමණ සහභාගී විය.

විධායක කෘෂි ඒකකය හා ගෲප් කැප්ටන් නලින් ද සිල්වා (විශ්‍රාමික) විසින් ලංකා මී පැනි පුද්ගලික සමාගම සමග එක්ව මෙම වැඩසටහන සංවිධානය කරන ලදී.මෙම වැඩසටහනේ පරමාර්ථය වූයේ ගුවන් හමුදා සේවක පුද්ගලයින් හට පිරිසිදු පෝෂ්‍යදායී ස්වාභාවික නිෂ්පාදන භුක්ති විඳීමට සහ රටේ පරිසරය හා ජෛව විවිධත්වය ආරක්ෂා කිරීමට අවස්ථාව උදාකිරීමයි.