දින තුනක් පුරා පැවති 21 වන ගුවන් හමුදා පාපැදි සවාරියේ ජය යුධ හමුදාව හිමිකරගනිමින්  අනුරාධපුර පොදු ක‍්‍රීඩාංගනයෙන් පසුගිය මාර්තු මස 07 වන දින නිමාවට පත්විය. මෙහිදී පිරිමි තරගාවලිය මාර්තු මස 5 සිට 7 දක්වා කිමි 449 පුරා කණ්ඩායම් ගනනාවක් තරග වැදුනි. ඒ අතර කාන්තා තරගාවළිය පුත්තලමේ සිට අනුරාධපුර දක්වා පැවති අතර එය කිමි 110 විය.

මෙහිදී පිරිමි ශූරතාවය යුධ හමුදාවේ තුශාන් රාජපක්ෂ විසින් හිමිකරගත් අතර කාන්තා ශුරතාවයද යුධ හමුදාවේ උදේාශානි නිරංජනී විසින් හිමිකර ගන්නා ලදී. මෙවර පිරිමි හා කාන්තා කණ්ඩායම් ශූරතාවයන් ද යුධ හමුදාව සතුවිය.

අනුරාධපුර පෙදු ක‍්‍රීඩාංගනයේ පැවති තිළින ප‍්‍රධානෝත්සවයේ ප‍්‍රධාන ආරාධිතයා වශයෙන් ශ‍්‍රී ලංකා ගුවන් හමුදාධිපති එයාර් මාර්ෂල් සුමංගල ඩයස් මහතා සහභාගිවූ අතර ගුවන් හමුදා මාණ්ඩලික ප‍්‍රධානී, අධ්‍යක්ෂක මණ්ඩලයෙහි නිළධාරින්, ගුවන් හමුදා පාපැදි සංචිතයේ ලේකම් එයාර් කොමඩෝර් කිත්සිරි ලීලරත්න මහතා, ගුවන් හමුදා නිළධාරින්, සෙසු නිළයන් සහ අනුග‍්‍රහක ආයතනයන්හි සමාජිකයන් පිරිසක්ද මෙම අවස්ථාවට සහභාගී විය.