ගුවන් හමුදාපති එයාර් මාර්ෂල් සුදර්ශන පතිරණ අද (2021 මැයි 14) උදෑසන මුල්ලේරියාව මුලික රෝහලේ  ඉදිකෙරෙමින්  පවතින වාට්ටු සංකීර්ණයේ ඉදිකිරීම් ස්ථානයට පැමිණියේය.වර්තමාන කොවිඩ් -19 අර්බුදයට පෙර 2021 මාර්තු 23 දින ගුවන් හමුදා සිවිල් ඉංජිනේරු අධ්‍යක්ෂක මණ්ඩලය විසින් මෙම වාට්ටු සංකීර්ණයේ ඉදිකිරීම් ආරම්භ කරන ලදී.

මෙම ව්‍යාපෘතියේ ඉලක්කය වන්නේ අඩි 100 x 30 ක වාට්ටු පහකින් (05) සමන්විත වාට්ටු සංකීර්ණයක් ඉදිකිරීමයි.

අද දින මෙම සංචාරය සදහා ගුවන් හමුදාධිපතිතුමන් සමඟ ශ්‍රී ලංකා ගුවන් හමුදාවේ සෞඛ්‍ය සේවා අධ්‍යක්ෂ එයාර් වයිස් මාර්ෂල් ලලිත් ජයවීර , වැඩබලන සිවිල් ඉංජිනේරු අධ්‍යක්ෂක එයාර් කොමදෝරු උදුල විජේසිංහ සහ මුල්ලේරියාවේ කොළඹ නැගෙනහිර මූලික රෝහලේ අධ්‍යක්ෂ වෛද්‍ය ප්‍රියන්ත කරුණාරත්න මහතාද එක් විය.