දැනට පවතින ගංවතුර තත්වය නිසා අතරමංව සිටි ගැබිනි මව්වරුන් 07කු, දැඩි ලෙස රෝගාතුරව සිටි ළමුන් කීප දෙනෙකු ඇතුළු 30කු බේරා ගැනීමට පෙබරවාරී 04 වන දින ශ්‍රී ලංකා ගුවන් හමුදාව සමත් විය.

අනුරාධපුර කදවුරෙන් ගුවනට නැගී බෙල් 212 සහ එම් අයි 17 ගුවන් යානා දවස පුරාම මෙම බේරා ගැනීමේ කටයුතු වල නිරත විය. එහිදී ගැබිනි කතක් තම දරු ප්‍රසූතියද බෙල් 212 හෙලිකොප්ටර් යානාවක් තුලදී සිදු කරන ලදී.

වැලිකංද , මැදිරිගිරිය, කහබිලියාව සහ දිඹුල්ගල යන ප්‍රදේශ වලට කිලෝ ග්‍රෑම් 17,000 ආහාර සහ කෑම පාර්සල් 6500ක් පමක ප්‍රවාහනයද සිදු කරන ලදී.