ඊගල් කුසලාන අත්පන්දු ශූරතාවලිය 2023 නොවැම්බර් 06 වන දින සිට 09 වන දින දක්වා මහරගම ජාතික යෞවන මධ්‍යස්ථාන ගෘහස්ථ ක්‍රීඩාංගණයේදී පැවැත්විණි. ගුවන් හමුදාපති එයාර් මාර්ෂල් උදේනි රාජපක්ෂ මහතා ත්‍යාග ප්‍රදානෝත්සවයේ ප්‍රධාන ආරාධිත අමුත්තා ලෙස සහභාගී විය.

සමස්ත කාන්තා කණ්ඩායම් ශූරතාව ගුවන් හමුදාව විසින් හිමිකරගත් අතර ශ්‍රී ලංකා යුද හමුදාව අනුශූරතාව දිනා ගන්නා ලදී.

මාණ්ඩලික ප්‍රධානී, ගුවන් හමුදා කළමනාකරණ මණ්ඩලයේ සාමාජිකයින්, ගුවන් හමුදා අත්පන්දු සංචිත සභාපති එයාර් කොමඩෝර් රජින්ත් ජයවර්ධන, ගුවන් හමුදා ක්‍රීඩා සංචිත සාමාජිකයින්, නිලධාරීන් සහ අනෙකුත් ආරාධිතයින් අවසන් තරඟ සහ ත්‍යාග ප්‍රදානෝත්සවය නැරඹීම සඳහා සහභාගී වූහ.