ඒකාබද්ධ නියෝජිතායතන කාර්ය සාධක බලකායේ අණදෙන නිලධාරී, රියර් අද්මිරාල් බ්‍රෙට් සොන්ටර්, ආරක්ෂක දූත පිරිසක් සමඟ 2024 අගෝස්තු 14 වන දින ගුවන් හමුදා මූලස්ථානයේදී ගුවන් හමුදාපති එයාර් මාර්ෂල් උදේනි රාජපක්ෂ මහතා හමුවිය.

දෙරට අතර ආරක්ෂක සබඳතා ශක්තිමත් කිරීමේ අරමුණින් සමුද්‍රීය වසම් පිළිබඳ දැනුවත්භාවය වැඩි දියුණු කිරීම කෙරෙහි අවධානය යොමු කරන ලද විස්තීරණ වැඩසටහනක් වන දැනට ක්‍රියාත්මක වන ඉන්දු-පැසිෆික් ප්‍රයත්නය (IPE) 2024 පිළිබඳව අනෝන්‍ය වශයෙන් වැදගත් සාකච්ඡාවල නිරත විය. දූත පිරිසට ඉන්දු-පැසිෆික් ප්‍රයත්නය (IPE) 2024 අණදෙන නිළධාරී, කොමඩෝර් මයිකල් හැරිස්, කිරිලි ස්මිත් මෙනවිය, ලුතිනන් කමාන්ඩර් ඉයන් ෆිෂර් සහ පරීක්ෂක එඩ්වර්ඩ්ස් ඇතුළත් වූ අතර ඕස්ට්‍රේලියානු ආරක්ෂක උපදේශක කර්නල් අමන්දා ජොන්ස්ටන් ද එක්ව සිටියහ.

සුහද සාකච්ඡාවෙන් අනතුරුව ගුවන් හමුදාධිපතිතුමන් සහ පැමිණි සිටි ප්‍රභූන් අතර එම අවස්ථාව සිහිපත් කිරීම සඳහා සමරු තිළිණ හුවමාරුවක් ද සිදු කරන ලදී.