ශ්‍රී ලංකාවේ සමුද්‍රීය නිරීක්ෂණ හැකියාවන් වැඩිදියුනු කිරීමේ අරමුණින් සිදුකෙරෙන මෙහෙයුම් සදහා ඉන්දීය නාවික හමුදා ඩෝනියර් 228 (INDO-228) සමුද්‍රීය නිරීක්ෂණ ගුවන් යානයක් ශ්‍රී ලංකා ගුවන් හමුදාව වෙත ලබාදීම සදහා ‍2024 සැප්තැම්බර් 05 ශ්‍රී ලංකා ගුවන් හමුදා කටුනායක කඳවුර වෙත පැමිනෙන ලදී. අලුතින් පැමිණි ගුවන් යානය පෙර පැවති INDO-228 ගුවන් යානය වෙනුවට ලබාදීමට නියමිතව ඇත.

INDO-228 ගුවන් යානය ශ්‍රී ලංකාවේ ආරක්ෂක මෙහෙයුම් ව්‍යුහයේ අනිවාර්ය අංගයක් බවට පත්ව ඇති අතර එය මෙහෙයුම් සදහා තීරණාත්මක කාර්යභාරයක් ඉටු කරයි. ජාතික ආරක්‍ෂාව සහ පාරිසරික ආරක්‍ෂාව තවදුරටත් වැඩිදියුණු කරමින් සමුද්‍ර දූෂණ නිරීක්‍ෂණ සහ පාලන ප්‍රයත්නයන් සඳහා ද ගුවන් යානය සැලකිය යුතු දායකත්වයක් ලබාදී ඇත.

මෙම ගුවන් යානය 2024 සැප්තැම්බර් 06 වන දින ශ්‍රී ලංකා ගුවන් හමුදා චීන වරායේ විද්‍යාපීඨයේ අංක 03 සමුද්‍රීය බලඝණයේ යොදවා එහි මෙහෙයුම් කටයුතු ආරම්භ කිරීමට නියමිතව ඇත.