1994 වසරේ සිට මේ දක්වා වසර 29ක ජාතිය වෙනුවෙන් කැපවූ සේවයක් ඉටු කරමින් කීර්තිමත් ඉතිහාසයක් සනිටුහන් කරන ගුවන් හමුදා හිඟුරක්ගොඩ කඳවුරේ පිහිටි අංක 7 හෙලිකොප්ටර් බලඝණය සිය 30 වැනි සංවත්සරය 2024 සැප්තැම්බර් 23 වන දින අභිමානවත් ලෙස සමරනු ලැබීය. බෙල් 212 සහ බෙල් 206 හෙලිකොප්ටර් යානා සමඟින් මෙම බලඝණය මුලින් අංක 401 බලඝණය ලෙස 1994 සැප්තැම්බර් 23 දින ස්ථාපිත කරන ලදී. පසුව එය අංක 7 හෙලිකොප්ටර් බලඝණය ලෙස 1996 මාර්තු 23 දින නැවත නම් කරන ලදී.

මෙම අවස්ථාව සනිටුහන් කරමින් සම්ප්‍රදායික වැඩ පෙළපාලිය බලඝණ පරිශ්‍රයේදී පැවැත් වූ අතර, එය වත්මන් අංක 7 බලඝණ අණදෙන නිළධාරී විංග් කමාන්ඩර් කංචන ලියනාරච්චි විසින් සමාලෝචනය කරන ලදී. අනතුරුව බලඝණයේ කීර්තිය හා කීර්තිය ඉස්මතු කිරීමට නොමසුරු දායකත්වය සහ නොපසුබට උත්සාහය සඳහා බලඝණයේ සියලුම අතීත සහ වර්තමාන නිලධාරීන් සහ සෙසු නිලයින් අමතා ඔහු සිය කෘතඥතාවය පළ කළේය. .

සංවත්සර දින සැමරුම  බලඝණයේ සියලුම සාමාඡිකයින් සමඟ විනෝදාස්වාද වැඩසටහන් කිහිපයක් පවත්වන ලදී. මෙම අවස්තථාවට ප්‍රධාන ආරාධිත අමුත්තා ලෙස ගුවන් හමුදා හිඟුරක්ගොඩ කඳවුරු අණදෙන නිළධාරී එයාර් කොමඩෝර් දිනේෂ් ජයවීර මහතා සහභාගී විය.

බළඝණයේ මියගිය රණවිරුවන්ට සහ ඔවුන්ගේ ආදරණීය පවුල්වල සාමාජිකයින්ට, බලඝණයේ සාර්ථකත්වයට දායක වූ අනෙකුත් සියලුම දෙනාට ආශිර්වාද පතා හිඟුරක්ගොඩ බෞද්ධ මධ්‍යස්ථානයේ දී "බෝධි පූජාවක්" ඇතුළු සමරු සහ ආගමික වතාවන් පවත්වා ඔවුන් ගෞරවයට හා ඇගයීමට ලක් කරන ලදී.

සංවත්සර සැටරුමට සමගාමීව බලඝණය විසින් පොළොන්නරුව ලේ බැංකුව වෙත ලේ පරිත්‍යාග කිරීමේ වැඩසටහනක් අණදෙන නිළධාරිගේ මගපෙන්වීම යටතේ සංවිධානය කරන ලද අතර බළඝණයේ සියළුම සාමාඡිකයින්ගේ සහභාගීත්වයෙන් හිඟුරක්ගොඩ බෝසත් ළමා නිවාසයේ සියලුම ළමුන් සඳහා ආහාර වේලක් පිළියෙල කර ලබා දෙන ලදී.