අංක 47 නිලධාරී, අංක 07 විදේශීය, අංක 63 ගුවන් භට, අංක 16 ගුවන් කාන්තාවන් සහ අංක 38 නාවික හමුදා පුපුරණ ද්‍රව්‍ය නිෂ්ක්‍රිය කිරීමේ (EOD) මූලික පාඨමාලා සාර්ථකව නිමකල සාමාජිකයින් සඳහා සහතිකපත් සහ ලාංඡන ප්‍රදානය කිරීමේ උත්සවය 2024 දෙසැම්බර් 13 වන දින ගුවන් හමුදා පාලවි කඳවුරේදී පැවැත්විණි. මෙම අවස්ථාව සඳහා ප්‍රධාන ආරාධිත අමුත්තා ලෙස ශ්‍රී ලංකා ගුවන් හමුදා මූලස්ථාන ශ්‍රී ජයවර්ධනපුර කඳවුරේ අණදෙන නිළධාරී එයාර් කොමදෝරු එම්.පී.ඒ ගලප්පත්ති සහභාගී විය.

මූලික පුහුණුව සාර්ථකව නිම කල ඉන්දීය ගුවන් හමුදා නිලධාරියෙක්, සැම්බියානු ගුවන් හමුදා එක් සාමාජිකයෙක්, මාලදිවයින් ආරක්‍ෂක හමුදාවේ එක් සාමාජිකයෙක් ඇතුළු අභ්‍යාසලාභීන් 24 දෙනෙකු නිල ලාංඡන ලබා ගත්හ.