මධ්‍යම අප්‍රිකානු ජනරජයේ (MINUSCA) එක්සත් ජාතීන්ගේ බහුමාන ඒකාබද්ධ ස්ථායිකරණ මෙහෙයුමේ යොදවා ඇති ශ්‍රී ලංකා ගුවන් සේවා ඒකකය, රටේ විශාලතම අංශය වන නැගෙනහිර අංශයේ ගුවන් මෙහෙයුම් සිදු කිරීම සඳහා පැවරී ඇති අතර, හමුදා ප්‍රවාහනය ඇතුළත් කිරීම සහ පිටකිරීම, ගුවන් මුර සංචාරය (සන්නද්ධ භට පිරිස් සමඟ), ඉල්ලීම මත ක්ෂණික ප්‍රතික්‍රියා බලකා ප්‍රවාහනය, සෙවීම් සහ මුදාගැනීම, CASEVAC/MEDEVAC මෙහෙයුම්, ISR මෙහෙයුම, නිරීක්ෂක/නිරීක්ෂණ කාර්යයන් සහ ගුවන් ගිනි සහාය ඇතුළු මෙහෙයුම් රාජකාරි රාශියක් සිදු කරයි.

ශ්‍රී ලංකා ගුවන් හමුදාවේ 10 වන ගුවන් සේවා බලකා කණ්ඩායම 2024 දෙසැම්බර් 6 වන දින මධ්‍යම අප්‍රිකානු ජනරජයේ (MINUSCA) යොදවන ලදී. නව අණදෙන නිලධාරිවරයා පත් කිරීම 2024 දෙසැම්බර් 14 වන දින මධ්‍යම අප්‍රිකානු ජනරජයේ බ්‍රියා හි ශ්‍රී ලංකා ගුවන් සේවා ඒකකයේදී සිදු විය.

9 වන බලකා කණ්ඩායමේ නික්ම යන බලකා අණදෙන නිලධාරි සමූහ කපිතාන් ආර්.එම්.ඒ.යූ රත්නායක විසින් බලඇණි අණදෙන නිලධාරි කාර්යාලයේදී 10 වන බලකා අණදෙන නිලධාරි සමූහ කපිතාන් ඩී.යූ.ඊ ද සිල්වා වෙත නව අණදෙන නිලධාරී තනතුර භාර දෙන ලදී.