ගුවන් හමුදාධිපති එයාර් මාර්ෂල් උදේනි රාජපක්ෂ මහතාගේ මඟ පෙන්වීම සහ උපදෙස් මත ප්‍රධාන පිරිත් සජ්ජායන උත්සවය 2025 ජනවාරි 01 දින අලුතින් විවෘත කරන ලද ගුවන් හමුදා මූලස්ථානයේ ආරක්ෂක මූලස්ථාන සංකීර්ණයේදී පැවැත්විණි. මෙම උත්සවයේ අරමුණ වූයේ ගුවන් හමුදාවේ සියලුම නිලධාරීන්ට, ඔවුන්ගේ පවුල්වලට, මියගිය ගුවන් රණවිරුවන්ට සහ මුළු ජාතියටම ආශිර්වාද කිරීමය.

පිරිත් සජ්ජායන ආරම්භ කිරීමට පෙර 'ධාතු කරඬුව' වර්ණවත් පෙරහැරකින් ගුවන් හමුදා මූලස්ථානයට වැඩමකර ගුවන් හමුදාධිපතිවරයා විසින් 'පිරිත් මණ්ඩපයේ' තැන්පත් කරන ලදී. කොළඹ ගංගාරාම විහාරස්ථානයේ විහාරාධිපති රාජකීය පණ්ඩිත පූජ්‍ය ආචාර්ය පල්ලේගම රතනසාර හිමියන්ගේ ප්‍රධානත්වයෙන් පිරිත් සජ්ජායන පැවැත්විණි.

උත්සවයෙන් පසුව 2025 ජනවාරි 02 දින උදෑසන ගෞරවනීය මහා සංඝරත්නය වෙනුවෙන් දානමය පුණ්‍යකර්මයක් සංවිධානය කරන ලදී. මෙම උත්සවයේ ප්‍රධානත්වය දරනු ලැබුවේ සියම් මහා නිකායේ කෝට්ටේ ශ්‍රී කලයාණි සාමග්‍රි ධර්ම මහා සංඝ සභාවේ ප්‍රධාන සංඝනායක සහ ශ්‍රී ජයවර්ධනපුර විශ්ව විද්‍යාලයේ කුලපති ආචාර්ය පූජ්‍ය ඉත්තපාන ධම්මාලංකාර අනුනායක මහා ස්වාමීන් වහන්සේ විසිනි.

මාණ්ඩලික ප්‍රධානී, නියෝජ්‍ය මාණ්ඩලික ප්‍රධානී, ගුවන් හමුදා කළමනාකරණ මණ්ඩලයේ සාමාජිකයින්, නිලධාරීන්, අනෙකුත් සියලුම නිලයන් සහ සිවිල් කාර්ය මණ්ඩලය පිරිත් සජ්ඣායනා සහ දානමය පිංකම් දෙකටම සහභාගී වූහ.