බණ්ඩාරනායක ජාත්‍යන්තර ගුවන්තොටුපළේ (BIA) ශ්‍රී ලංකා ගුවන් හමුදා කඳවුර  2025 ජනවාරි 26 දින සිය 27 වන සංවත්සරය සැමරීය. සැමරුම් උත්සවය ආරම්භ වූයේ සම්ප්‍රදායික වැඩ පෙළපාළියකින් වන අතර එය අණදෙන නිලධාරී ගෲප් කපිතාන් නිලේන්ද්‍ර පෙරේරා විසින් පරීක්ෂා කරන ලදී.

සංවත්සරයට සමගාමීව ප්‍රජා වැඩසටන්  කිහිපයක් පවත්වන ලදී. 2025 ජනවාරි 25 වන දින රජයේ පිරිසිදු ශ්‍රී ලංකාව "Clean Sri Lanka" සංකල්පයේ කොටසක් ලෙස මීගමුව ලුවිස් පෙදෙස වෙරළ තීරයේ වෙරළ පිරිසිදු කිරීමක් සංවිධානය කරන ලදී. මීට අමතරව කඳවුරේ සේවා වනිතා ඒකකය විසින් 2025 ජනවාරි 24 වන දින කඳවුරේ ගුවන් කාන්තාවන් සඳහා අභිප්‍රේරණ දේශනයක් සංවිධානය කරන ලද අතර එය අමා දිසානායක මහත්මිය විසින් පවත්වන ලදී. තවද 2025 ජනවාරි 23 වන දින ආඬිඅම්බලම ප්‍රදේශයේ පන්සල් දෙකක සහ පල්ලියක ශ්‍රමදාන ව්‍යාපාර පවත්වන ලද අතර ඒ සඳහා කදවුරු මුලස්ථානයේ සේවා නිලධාරීන්ගේ ක්‍රියාකාරී සහභාගීත්වය ද හිමි විය.