ගුවන් හමුදාපති එයාර් මාර්ෂල් හර්ෂ අබේවික්‍රම මහතා විසින් ශ්‍රි ලංකා ගුවන් හමුදාව කොග්ගල කඳවුරේ ගුවන් හමුදාපති වාර්ෂික පරීක්ෂණය අද (අගෝස්තු 05) සිදු කරන ලදී.

ශ්‍රී ලංකා ගුවන් හමුදාව කොග්ගල කදවුරේ අණදෙන නිලධාරීවිංග් කමාණ්ඩර් ඩ්බ්ලිව්.ඩ්බ්ලිව්.එන්.ටි.පි. ප්‍රනාන්දු ආචාර මුර පෙළපාලියකින් ගුවන් හමුදාපතිතුමා පිළිගන්නා ලදී. පෙළපාලියේ අණදෙන්නා ලෙස බළඝණ නායක දිශාන්ත බණ්ඩාර කටයුතු කරන ලදී.

මෙම පරීක්ෂණය අතරතුර ගුවන් හමුදාපතිතුමා ප්‍රතිසංස්කරනය කරන ලද සුභසාධන වෙළඳසැල විවෘත කරන ලදී. අවසාන වශයෙන් ගුවන් හමුදාපතිතුමා විශේෂ දේශනයක්ද පැවැත්විය.