නුවරඑළිය දිස්ත්‍රික්කයේ මස්කෙළිය හි පිහිටි නල්ලතන්නිය වාලමලේ ඉහළ වන රක්ෂිතයේ ඇති වූ හදිසි ගින්නක් නිවා දැමීම සඳහා බම්බි බකට් මෙහෙයුම් සිදු කිරීම සඳහා ගුවන් හමුදාවේ අංක 4 බලඝණයේ බෙල් 412 හෙලිකොප්ටරයක් යොදවා ඇත.

ආරක්ෂක අමාත්‍යාංශයේ උපදෙස් පරිදි ආපදා කළමනාකරණ අමාත්‍යාංශයේ ඉල්ලීමකට අනුව මෙම යෙදවීම සිදු කරන ලදී. ඊට ප්‍රතිචාර වශයෙන් 2025 පෙබරවාරි 24 වන  දින ශ්‍රී ලංකා ගුවන් හමුදා රත්මලාන කඳවුරෙන් බෙල් 412 හෙලිකොප්ටරයක් පිටත් කර හරින ලදී. සවස් කාලයේදී, හෙලිකොප්ටරය සාර්ථකව ජල බම්බි බකට් මෙහෙයුම් 10 ක් පමණ සිදු කළ අතර, ගින්න මැඩපැවැත්වීම සහ එය තවදුරටත් පැතිරීම වැළැක්වීම සඳහා ආසන්නතම ජල මූලාශ්‍රය වන මාවුස්සාකැලේ ජලාශයෙන් ජලය ලබා ගන්නා ලදී.