පිරිමි පාපැදි ධාවන තරඟයේ දින තුනක තරඟය වන අවසන් සහ තුන්වන අදියර 2025 මාර්තු 02 දින කොළඹ ගෝල්ෆේස් ග්‍රීන් හිදී අවසන් විය. මහනුවර සිට කොළඹ දක්වා ගමන කිලෝමීටර් 155.2 ක දුරක් ආවරණය කරන ලදී. ශ්‍රී ලංකා යුද හමුදාවේ සාරංග පෙරේරා තුන්වන අදියරේදී පළමු ස්ථානය දිනා ගත් අතර ශ්‍රී ලංකා නාවික හමුදාවේ ප්‍රභාත් මධුසංක සහ ශ්‍රී ලංකා වරාය අධිකාරියේ සචින්ත පියුමාල් පිළිවෙලින් දෙවන සහ තෙවන ස්ථාන ලබා ගනිමින් ධාවන තරඟය අවසන් කරන ලදී.

ඊට සමගාමීව  කාන්තා ධාවන තරඟය ආරම්භ වූ අතර මීරිගම සිට කොළඹ දක්වා කිලෝමීටර් 86 ක දුරක් ආවරණය කරන ලදී. ශ්‍රී ලංකා ගුවන් හමුදාව තරගයේ ආධිපත්‍යය දැරූ අතර, දිනේෂා දිල්රුක්ෂි පළමු ස්ථානය දිනා ගත් අතර, දෙවන ස්ථානය පංචාලි සුලෝචනා සහ සුදාරිකා ප්‍රියදර්ශනී තෙවන ස්ථානය දිනා ගන්නා ලදී. ඔවුන්ගේ දක්ෂතා මගින් කණ්ඩායම කැපී පෙනෙන ජයග්‍රහණයක් සනිටුහන් කරන ලදී.

'ගුවන් හමුද පාපැදි සවාරිය 2025'  මෙම තරගයේ ත්‍යාග සහ සම්මාන උළෙල එදින සවස කොළඹ රයිෆල් ග්‍රීන් පිටියේ පරිශ්‍රයේදී ගුවන් හමුදාපති එයාර් මාර්ෂල් බන්දු එදිරිසිංහ මහතාගේ ප්‍රධානත්වයෙන් පැවැත්විය.