ගුවන් හමුදා දියතලාව කඳවුරු පෙරපාසල් වාර්ෂික ක්‍රීඩා උත්සවය
ගුවන් හමුදා දියතලාව කඳවුරු අණදෙන නිළධාරි ගෲප් කැප්ටන් ජනක අමරසිංහ මහතාගේ
ප්‍රධානත්වයෙන් වාර්ෂික පෙරපාසල් ක්‍රීඩා උත්සවය අගෝස්තු මස 09 වන දින කඳවුරු පරිශ්‍රයේදී උත්කර්ෂවත් අන්දමින් පැවැත්විණි.
පෙර පාසල් තූර්යවාදක කණ්ඩායම සමග එක්ව බළඝණ නායක චන්දන මුණසිංහ ප්‍රධාන ආරාධිත
අමුත්තා පිළිගන්නා ලදී. ජාතික කොඩිය එසවීම හා පොල්තෙල් පහන දැල්වීමෙන් අණතුරුව උත්සවය ආරම්භ විය. තවද එදින නොයෙකුත් ක්‍රීඩා හා විනෝදාංශයන්ගෙන් පිරී දවසක් බවට පත් විය.
ගුවන් හමුදා සේවා වනිතා ඒකකය මගින් පවත්වාගෙන යනු ලබන මෙම පෙරපාසල මගින් ගුවන් හමුදා සේවා පුද්ගලයින්ගේ ළමුන් සඳහා ඉතා උසස් අධ්‍යාපනයක් ලබා දීම සිදුකරනු ලබයි.
