ශ්‍රී ලංකා ගුවන් හමුදා පාලවි කඳවුර 2025 නොවැම්බර් 01 වන දින සිය 18 වන සංවත්සරය අභිමානවත් ලෙස සමරන ලද අතර, අණදෙන නිලධාරී එයාර් කොමඩෝර් නිශාන්ත ප්‍රියදර්ශන මහතාගේ මඟ පෙන්වීම යටතේ සියලුම නිලධාරීන්, අනෙකුත් නිලයන් සහ සිවිල් කාර්ය මණ්ඩලය එක්ව සංවිධානය කරන ලද සමාජීය හා විනෝදාත්මක ක්‍රියාකාරකම් මාලාවක් පැවැත්විණි.

සැමරුම් උත්සවය සම්ප්‍රදායික වැඩ පෙළපාළියකින් ආරම්භ කෙරුණු අතර, එය අණදෙන නිලධාරී විසින් සමාලෝචනය කරන ලදී. නිලධාරීන්, සෙසු නිළයින් සහ සිවිල් කාර්ය මණ්ඩලයේ මිත්‍රශීලීත්වය වර්ධනය කිරීමේ අරමුණින් කඳවුරු ක්‍රීඩා පිටියේ ක්‍රිකට් තරඟාවලියක්ද පවත්වන ලදී.

සංවත්සර සැමරුමට සමගාමීව පිරිසිදුකම සහ සමස්ත පරිසරය වැඩි දියුණු කිරීම අරමුණින් 2025 ඔක්තෝබර් 29 වන දින පුත්තලම ආයුර්වේද රෝහලේ ශ්‍රමදාන ව්‍යාපාරයක් පවත්වන ලදී.