2025 නොවැම්බර් 30 වන දින පැවැත්වූ ශ්‍රී ලංකා නාවික හමුදාවේ ජාත්‍යන්තර නෞකා සමාලෝචනය 2025 සඳහා සහභාගී වීම සඳහා ශ්‍රී ලංකාවට පැමිණි ඉන්දීය නාවික හමුදාවට අයත් INS වික්‍රාන්ට් ගුවන් යානා ප්‍රවාහන නෞකාව නැරඹීම සඳහා  ගුවන් හමුදාපති එයාර් මාර්ෂල් බන්දු එදිරිසිංහ නිළධාරීතුමන් 2025 නොවැම්බර් 26 දින  නිරීක්ෂණ චාරිකාවක නිරත විය. සෞඛ්‍ය හා ජනමාධ්‍ය අමාත්‍ය ගරු වෛද්‍ය නලින්ද ජයතිස්ස මහතා ප්‍රධාන ආරාධිත අමුත්තා ලෙස මෙම අවස්ථාවට සහභාගී විය

මෙම නිරීක්ෂණ චාරිකාව සඳහා ආරක්ෂක නියෝජ්‍ය අමාත්‍ය මේජර් ජෙනරාල් අරුණ ජයසේකර (විශ්‍රාමික) සහ ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) මහතා ද සහභාගී වූ අතර, ශ්‍රී ලංකා යුධ හමුදා සහ නාවික හමුදාපතිවරුන්, ඉන්දීය මහ කොමසාරිස් කාර්යාලයේ නිලධාරීන් සහ සන්නද්ධ හමුදා ජ්‍යෙෂ්ඨ නිලධාරීන් ද සහභාගී විය.