නව නාවික හමුදාධිපති වයිස් අද්මිරාල් ජයනාත් කොළඹගේ අද දින (2012 ඔක්තෝම්බර් මස 02) ගුවන් හමුදා මූලස්ථානයේදී ගුවන් හමුදාධිපති එයාර් මාර්ෂල් හර්ෂ අබේවික්‍රම හමු විය.

ගුවන් හමුදා කොළඹ කදවුරු අණදෙන නිලධාරී එයාර් කොමඩෝර් කේ එෆ් ආර් ප්‍රනාන්දු විසින් නව නාවික හමුදාපති තුමන් පිළිගත් අතර ආචාර මුර පෙලපාලියක් ද පවත්වන ලදී. අනතුරුව ගුවන් හමුදාධිපති එයාර් මාර්ෂල් හර්ෂ අබේවික්‍රම මහතා විසින් නාවික හමුදාපති තුමන් මූලස්ථාන පරිශ්‍රයට පිලිගැනීමෙන් අනතුරුව සුහද පිළිසඳරක නිරත විය.

නව නාවික හමුදාධිපති තුමන් ගුවන් හමුදා මාණ්ඩලික ප්‍රධානී එයාර් වයිස් මාර්ෂල් කෝලිත ගුණතිලක ඇතුළු ගුවන් හමුදා අධ්‍යක්ෂ මණ්ඩලය හමුවන ද ලදී.අනතුරුව මෙම හමුව සිහිපත් වීම සදහා සමරු පලක දෙපාර්ෂවය විසින් හුවමාරු කරගත් අතර නාවික හමුදාපති තුමන් විසින්සමරු සටහනක් ද තබන ලදි.