சிங்கள மற்றும் இந்து புத்தாண்டு கொண்டாட்டங்களின் ஒரு பகுதியாக, இலங்கை விமானப்படையானது இலங்கையின் பாரம்பரிய கலாச்சாரத்தின் வருடாந்த "அவுருது உதனய" மற்றும் "அருது பொல" ஆகியவற்றை 2023 ஏப்ரல் 12 அன்று கட்டுநாயக்க விமானப்படை தள விளையாட்டு மைதானத்தில் ஏற்பாடு செய்தது. நலன்புரி இயக்குநரகம், விமானப்படை சேவா வனிதா பிரிவு மற்றும்  கட்டுநாயக்க விமானப்படை தளம் ஆகியவற்றின் ஒத்துழைப்புடன் ஏற்பாடு செய்யப்பட்டது.

இந்நிகழ்வில் பிரதம அதிதிகளாக இலங்கை விமானப்படைத் தளபதி எயார் மார்ஷல் சுதர்சன் பத்திரன மற்றும் இலங்கை விமானப்படை சேவை வனிதாவின் தலைவி திருமதி சாமினி பத்திரன ஆகியோர் கலந்துகொண்டனர். நலன்புரி பணிப்பாளர் நாயகம் எயார் கொமடோர் சுஹர்ஷி பெர்னாண்டோ மற்றும் கட்டுநாயக்க விமானப்படை தள கட்டளை அதிகாரி எயார் வைஸ் மார்ஷல் லசித சுமனவீர ஆகியோர் விருந்தினர்களை வரவேற்றனர்.
கொண்டாட்டத்தின் போது, பாரம்பரிய புத்தாண்டு விளையாட்டுகளான 'பஞ்ச கேலியா', 'தலையணை சமர் ', 'மைமுட்டி அடித்தல் ' மற்றும் 'வருட அழகுராணி ' மற்றும் 'அழகு ராஜ ' போட்டியில், இளைஞர்கள் உட்பட பலரும்  கலந்துகொண்டனர்  விளையாட்டுகள் ஏற்பாடு செய்யப்பட்டன. போட்டியாளர்கள் தங்கள் பணி மற்றும் திறமையால் பார்வையாளர்களை திகைக்க வைத்தனர்.
இந்நிகழ்வில் விமானப்படை அதிகாரிகள், விமானப்படையினர், விமானப் பெண்கள் மற்றும் சிவில் ஊழியர்கள், அவர்களது குடும்பத்தினருடன் கலந்துகொண்டனர். இலங்கை விமானப்படை தளங்கள் நாடளாவிய ரீதியில் நடத்தும் விற்பனை நிலையங்களில் சலுகை விலையில் வழங்கப்படும் பலவகையான பொருட்களை கொள்வனவு செய்யக்கூடிய "அருது பொல" தொடர்பில் அனைவரின் விசேட கவனமும் ஈர்க்கப்பட்டது.

இந்த நிகழ்வில்விமானப்படை தலைமை தளபதி , பிரதிப் தலைமை தளபதி, விமானப்படை முகாமைத்துவ சபை உறுப்பினர்கள் மற்றும் கட்டுநாயக்க விமானப்படைத் தளபதி எயார் வைஸ் மார்ஷல் லசித சுமனவீர ஆகியோர் கலந்துகொண்டனர்.