இந்நிகழ்வில் பிரதம அதிதியாக இலங்கை ஜூடோ சங்கத்தின் தலைவர் விங் கமாண்டர் மஞ்சுள பிரகீத் வீரசிங்க கலந்து கொண்டார். இந்த போட்டியை காண விமானப்படை ஜூடோ சங்கத்தின் உதவி செயலாளர் விங் கமாண்டர் எச்டிடிஎன்எஸ் ஹெட்டியாராச்சி மற்றும் விமானப்படை அதிகாரிகள் மற்றும் பிற அணியினர் கலந்து கொண்டனர்.

சம்பியன்ஷிப் ஆண்களுக்கான எட்டு (08) எடைப் பிரிவுகள் மற்றும் பெண்களுக்கான ஏழு (07) எடைப் பிரிவுகளின் கீழ் நடைபெற்றது. இலங்கை இராணுவம், இலங்கை கடற்படை, இலங்கை பொலிஸ் மற்றும் தீவின் ஏனைய முன்னணி ஜூடோ கழகங்கள் உட்பட இருபத்தேழு (27) சுயாதீன விளையாட்டுக் கழகங்களை பிரதிநிதித்துவப்படுத்தி ஏறக்குறைய முன்னூற்று எழுபது (370) வீரர்கள் கலந்துகொண்டனர்.

இலங்கை விமானப்படை அணிகள் ஆண்கள் மற்றும் பெண்கள் ஆகிய இரு பிரிவுகளிலும் பங்குபற்றியதுடன் குழு நிகழ்வில் பெண்கள் அணி ஒட்டு மொத்த சம்பியன் பட்டத்தை வென்றது. விமானப்படை மகளிர் அணி 5 தங்கப் பதக்கங்கள், 2 வெள்ளிப் பதக்கங்கள், 3 வெண்கலப் பதக்கங்களையும், ஆண்கள் அணி ஒரு வெண்கலப் பதக்கத்தையும் வென்றது.